UNGEBODENDING, in Charta Udalrici Abbatis ann. 1071. in Chronico Laurisham. :

Et ut familiam ejusdem Curiæ ab omni gravedine et molestia immunem redderemus, a tribus principalibus mallis, quæ vulgo Ungebodending vocantur, quibus ad curiam Linterheusem annuatim manniebantur, utrorumque consensu, eam omnimodis absolvimus.

Ubi Freherus vocem hanc Curiam non indictam vertit : Vossius eamdem deducit a bieden, jubere ; unde geboden, jussus, ongeboden, non jussus, a quo onge-bodending, conditio non obnoxii alienis jussis ; ac proprie jussis alicujus malli, sive consessus judicum civilis, hominem citantis. Vide Grimm. Antiq. Jur. Germ. pag. 827. Haltaus. Glossar. col. 1931.