VOGTMAN, Cliens, qui se alicujus imperio, vel tutelæ subjecit, Commendatus ; vox Germanica, ex Vogt, Præfectus, Patronus, Advocatus, et mann, homo. Fridericus II. Imp. in privilegiis Ratisbonensis urbis anno 1230 :

Quicunque residens in civitate impetitus fuerit, quod sit Vogtman alicujus ; et ille civis existens collectas det nobis et Episcopo, tanquam alius civis, nulla postmodum Advocato servitia exhibebit per coactionem, etc.

Charta ejusd. Imper. ann. 1219. apud Tolner. inter Instr. Hist. Palat. pag. 68 :

Item quicumque dominus aut creditor alicui Nuremburgensi accommodata reddere renuerit, mansionarius illius aut mercator, vel suus Vogtmann, erit pignus Norimbergensibus.

Advocatitius. Vide Haltaus. Glossar. German. voce Vogtmann, col. 1978.