4. VOLATUS, Volata Ligna, Rami ab arbore, ventorum vi aut alia ratione avulsi, nostris Volaiz. Charta Phil. Pulc. ann. 1308. in Reg. 44. Chartoph. reg. ch. 146 :

Donamus..... liberum usagium ad omnia ligna, videlicet arescentia seu sicca, stantia et jacentia, necnon et viridia versata et Volata, jacentia seu caduca in boscis seu silvis, quæ vocantur defensa.

Alia Phil. V. ann. 1320. in Reg. 59. ch. 485 :

Donamus usagium in foresta nostra, de Calvomonteto, in usagio dicto ad feminas, in nemore sicco, stante scilicet et jacente, viridique jacente ac dicto Volaiz et mortuo.

Vide Cabulus.