UTIFRUI, Usumfructum habere, usufructuario jure re aliqua uti. Charta Alberti Ducis Austriæ ann. 1298. apud Ludewig. tom. 5. Reliq. MSS. pag. 444 :

Castra, civitates, et oppida, et districtus in omnibus supradictis teneant, et Utifruantur eis, quousque per nos vel successores nostros Romanorum Reges vel lmperatores eisdem Regi Boemiæ ac heredibus ejus de prædictis quinquaginta millibus marcarum ejusdem ponderis et argenti fuerit integre satisfactum.

Alia Bolkonis Ducis Silesiæ ann. 1364. apud eumd. tom. 6. pag. 408 :

Ipsam villam....... cum omni libertate et absque omni servitutis onere habendam, tenendam, possidendam, Utifruendam et in usus suos placide et quiete pro omnibus nostris successoribus convertendam... donamus.

Litteræ Ludovici XII. Reg. Franc. ann. 1502 :

Dicta bona dicto Petro de Rohan et suis hæredibus et successoribus concedimus ad habendum, tenendum, possidendum et Utifruendum, de ipsisque dandum, vendendum ad suæ libitum voluntatis.