VULTATICUM, Præstationis species, incertæ mihi prorsus notionis. Idem quod supra Volutaticum : ex vitiosa pronuntiatione scriptum existimo Vultaticum. Charta Dagoberti Regis Franc. apud Doubletum in Hist. Sandionysiana pag. 656 :

Teloneos vel navigios, portaticos, rivaticos, rotaticos, Vultaticos, themonaticos, etc.

Wultaticus, in Charta Caroli M. ibid. pag. 709. Charta ejusdem Imper. ex Tabul. S. Germani Paris. :

Theloneum aut rotaticum, seu Vultaticum, cespitaticum, ripaticum, vel salutaticum accipiat.

In Charta Ludovici Pii Imper. ibid. pag. 732. habetur, volutaticum :

Tam de portatico, et pontatico, et ripatico, et rotatico, et timonatico, et Volutatico, et cispitatico, etc.

Charta Ricardi Comitis Normanniæ apud eumdem Doubletum pag. 816 :

Cum omnibus sibi adjacentibus, portu, teloneis, Vultaticis, piscatoriis, terris cultis et incultis, etc.

Charta Ludovic. Regis Franc. ann. 936. apud Sammarthanos in Episcopis Parisiensibus :

Neque theloneum, neque portaticum, neque piraticum, seu viaticum, nec etiam Vultaticum exinde aliquid accipiat potestas judiciaria.