VULTAVA, Vultiva, Wulitiva, Cicatrix ; Vulnus in vultu, seu facie illatum, unde forte vocis etymon. Wliti, Vultus, facies, Wam, Nævus, macula. Lex Saxonum tit. 5. § 5 :

Si os fregerit, vel Vultavam fecerit, corpus, vel coxam, vel brachium perforaverit, etc.

Ubi editio Heroldi Vulitivam, Tilii Vultivam. Lex Frision. Addit. tit. 3. § 16 :

Si ex percussione deformitas faciei illata fuerit, quæ de 12. pedum longitudine possit agnosci, quod Wulitivam dicunt, etc.

Edit. Heroldi Vuilitivam. Lex Anglior. tit. 5. § 10. ubi de Transpunctionibus et membris læsis :

Vultivam 50. sol. componat.

Ubi editio Heroldi Vultivuam præfert. Vide Sibrandum a Sicama. et Grimm. Antiq. Jur. Germ. pag. 630.