« »
 
[]« Xenium » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 420a. http://ducange.enc.sorbonne.fr/XENIUM
XENIUM, Præstatio muneris vice. Testamentum S. Remigii Remensis Archiepisc. :
Incolæ loci illius multiplicibus Xeniis gravati, etc.
Capitula Caroli M. lib. 1. cap. 146 :
Ut nullus Presbyter ad introitum Ecclesiæ Xenia donet.
Id est, pro facultate Intitulationis ad Ecclesiam. Concilium Nannetense cap. 16 :
Ut si quilibet Presbyterorum defunctus fuerit, vicinus Presbyter apud secularem seniorem nulla precatione, vel aliquo Xenio Ecclesiam illam obtineat, etc.
Concilium Trosleianum ann. 909. cap. 6 :
Xeniis ac pastis vel paraveredis seu caballorum saginationibus Presbyteros affligunt.
Flodoardus lib. 1. Hist. Remensis cap. 14 :
Locorumque petentibus incolis, qui multiplicibus erant aggravati Xeniis, etc.
Lib. 2. cap. 11 :
Sic quoque ut nullus judex publicus...... quælibet judicia vel Xenia ibidem exigere ullatenus præsumeret.
Ita cap. 17. 19. Leo Ostiensis lib. 2. cap. 8 :
Libellum fecit Leoni Presbytero et Joanni Gento pro Xeniis et servitiis eorum.
Charta Henrici III. Regis Angliæ pro Monasterio S. Valarici in Picardia :
Nulla autem persona parva aut magna..... aliquid ab hominibus et possessionibus prædicti Monasterii exigat.... non opera, non tributa, non Xenia, non lestagia, etc.
Vitæ Abbatum S. Albani pag. 36 :
Xenia autem de maneriis annuatim proveniunt, etc.
Charta ann. 1267. in Metropoli Salisburgensi[] tom. 3. pag. 36 :
Dedit ad eandem domum quoddam prædium in Chriestorf, quod solvit annuatim dimidiam libram, et Xenia.
Adde alias apud Prynneum in Libertatibus Angl. tom. 2. pag. 476. 478. 479. Vide Exenium, Donum 2. Visitatio, et Dissertat. 4. ad Joinvillam pag. 154.
P. Carpentier, 1766.
Xenia Regalia, Dona quæ regibus offerri solitum erat. Vita S. Bandar. tom. 1. Aug. pag. 64. col. 1 :
Domine rex, vidimus sæpius, et ab antecessoribus nostris accepimus, quod universi pontifices, qui regno vestro post vos præsident, regalia Xenia, quæ tantum deceant virum, vobis mittere vel deferre debent. Est autem Bandaridus Suessorum episcopus, qui ab hac consuetudine videtur esse sequestratus, et aulæ regiæ præsentiam suam subtrahit, et regia munera nullo modo mittit.
Vide Donum 2.
les Bénédictins de St. Maur, 1733–1736.
Xenia, æ, Eadem notione, in Chron. Farf. apud Murator. tom. 2. part. 2. col. 542 :
Et aliam petiam ibi ad quartam et operam unam et Xeniam unam.
les Bénédictins de St. Maur, 1733–1736.
Xenium, Quidquid alicui in subsidium conceditur. Charta ann. 993. apud Miræum tom. 1. pag. 147. col. 1 :
Quatenus benedictione et licentia venerandi abbatis, sacerdos ibidem Deo psalmodiæ et Missarum celebraturus sacrificia, his Xeniis adjutus, pro ereptione animarum nostrarum exoret libentius.
© École des chartes.