« »
 
CASTELLATIO 1, CASTELLATIO 2, CASTELLATIO 3.
[]« 1 castellatio » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 210a. http://ducange.enc.sorbonne.fr/CASTELLATIO1
1. CASTELLATIO, Eodem significatu. Charta anni 1194. ex Tabulario S. Joannis Senon. :
Indubitanter sciant universi, præsentes et futuri quod Adelina Siliniaci domina, pro remedio animæ suæ et filiorum suorum, donavit in eleemosynam in perpetuum possidendam Ecclesiæ de Cudot et Alpasiæ bonæ opinionis mulieri, et Canonicis cum ea regulariter degentibus, les botoirs de Bellomonte cum usuario nemorum de tota Castellatione Siliniaci.
© École des chartes.
[]« 2 castellatio » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 210a. http://ducange.enc.sorbonne.fr/CASTELLATIO2
2. CASTELLATIO, Feudum castellani, idem quod supra Castellaria. Charta Dalmacii de Luzeio in Reg. 30. Chartoph. reg. ch. 108 :
De Castellatione mea de Segiaco, nec de meis hominibus....... dominus meus rex in supradicta villa neminem retinere poterit.
Aliis notionibus, vide in Castellum 1.
© École des chartes.
[]« 3 castellatio » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 210b. http://ducange.enc.sorbonne.fr/CASTELLATIO3
3. CASTELLATIO, seu Castelli ædificatio sine licentia et permissu Principis, ut et cæterorum majorum criminum, cognitio, ipsum solum Principem spectat, ut est in Legibus Henrici I. Regis Angl. cap. 10 :
Infidelitas et proditio, quicunque despectus, vel maliloquium de eo, Castellatio, trium annorum utlagaria, furtum, etc.
Et cap. 13 :
Hæc mittunt hominem in misericordia Regii, infractio pacis,... infidelitas et proditio, despectus de eo, Castellatio sine licentia, utlagaria, etc.
Quorum verborum facilis fuisset Spelmanno intellectus, si ea dispunxisset. Porro castellum ædificare non licet absque licentia domini superioris. Edict. Pistense ann. 864. addit. cap. 1. Vide Speculum Saxon. lib. 3. art. 66. et quæ observavimus in Dissert. 30. ad Joinvillam pag. 352. Conf. Murator. Antiq. Ital. vol. 2. col. 465. 466. Contra Frider. II. Imper. constit. ann. 1220 :
Ut nulla edificia, Castra videlicet seu civitates, in fundis ecclesiarum, vel occasione advocacie, vel aliquo quoquam pretextu, construantur ; et si qua forte sunt constructe contra voluntatem eorum quibus fundi attinents distruantur regia potestate ;
ap. Pertz. vol. Leg. 2. pag. 237.
Castellatum, Castri ambitus. Charta Lamberti Episcopi Lingonensis ann. 1019. in Chron. Besuensi :
Cuncti etiam qui intra Castellatum, vel in ipso ambitu et receptu Castellati mortui fuerint, in prædicto S. Mariæ cæmeterio sepeliantur.
les Bénédictins de St. Maur, 1733–1736.
Castellatus, Parvo castro munitus, in Glossario Barthii, apud Ludewig. tom. 3. Reliq. MSS. pag. 556. ex Oliverio de Captione Damietæ.
Castelletum, Castellulum, Chastelet. Rigordus :
Alii vero prisones in duobus Castelletis in capitibus utriusque pontis sitis Parisius... mancipantur.
Ita etiamnum appellantur. Johannes a Bayono de Abbatibus Medianis, in Histor. ejus Monasterii pag. 289 :
Domino Castelleti prope abbatiam dictam Lestainche scituati.
Joh. Molinetus in Templo Martis :
Guerre a fait maint Chatellet lait,
Et maint bonne Ville vile.
Castellio, Castellulum, nostris Chastillon. Vetus Diploma de Abbatiæ Fossatensis primordiis :
Illum videlicet Castellionem, qui Fossatus dicitur, et quem vulgaris lingua Castrum vocat Bagaudarum.
[] Lambertus Ardensis :
Imperavit ut scilicet de villa sua Ardea liberum, imo liberrimum facere Castellionis licet exiguum posset oppidulum.
Vide Guibertum de Vita sua lib. 3. cap. 14. Theobaldum in Vita sancti Guillelmi Eremitæ n. 9. Valesium in Notitia Gall. pag. 131. etc.
Castlare. Tabularium Conchense in Ruthenis n. 98 :
Illo Castlaro meo qui per hæreditatem mihi obvenit, etc.
Occurrit alibi.
© École des chartes.