« »
 
PORTUS 1, PORTUS 2, PORTUS 3, PORTUS 4, PORTUS 5, PORTUS 6, PORTUS 7, PORTUS 8, PORTUS 9.
[]« 1 portus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 427b. http://ducange.enc.sorbonne.fr/PORTUS01
1. PORTUS, Fauces, Claustra montium, Puertos Hispanis, quibus proprie dicuntur claustra Pyrenæorum montium. Turpinus in Hist. Caroli M. cap. 11 :
Tunc Aigolandus fugiens transmeavit Portus Aserros, et venit usque Pampilonam.
Cap. 21 :
Dum Carolus cum 20. millibus Christianorum... Portus transiret.
Occurrit ibi pluries. Sebastianus Salmanticensis Ep. in Hist. :
Ita ut ne unus Caldeorum intra [] Pyrenæi Portus remaneret.
Will. Brito lib. 1. Philipp. :
Usque sub Hispanos fines Portusque remotos.
Guillelmus de Podio Laurentii cap. 52 :
Quibus auditis Rex et perceptis, quod dictus Comes Fuxi de montanis Castris suis confideret de ultra Portus, etc.
Nangius in Philippo III :
Interea Comes Atrebati qui, ut diximus, juxta introitum Portuum cum valida manu peditum et equitum se tenebat, Portus Cysereos evitando, et in partem alteram per montes Pyreneos... transitum fecerat, etc.
 :
Normans, Bretons vindrent voirement,
Et Avalois, Flamenc et Loherant,
Et Angevin, Mansel, et Alemant
D'otre le Rin vindrent mult fierement
Des le port d'Aix jusqu'au Port S. Vincent.
Ibidem :
Des ports de Nismes jusq'à pors de Navarre.
Alibi :
As pors d'Espagne s'en est entrez Roland.
Consule Notas nostras ad Alexiadem pag. 301.
Portarium, Eadem notione. S. Eulogius in Epist. ad Willesindum Episc. Pampilon. :
Acysterium quod situm ad radices montium Pyreneorum in præfatæ Galliæ Portariis, etc.
© École des chartes.
[]« 2 portus » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 427c. http://ducange.enc.sorbonne.fr/PORTUS02
2. PORTUS, Porta, apud Lobinell. tom. 2. Hist. Britan. pag. 872 :
Ante suum introitum fecit idem novus Dux primum juramentum in introitu bariere portus illius urbis (Rhedonum) vocati vulgariter, Portus de Morzelles Gallice ;
hodie Mordelaise vocatur.
© École des chartes.
[]« 3 portus » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 427c. http://ducange.enc.sorbonne.fr/PORTUS03
3. PORTUS, Navigium ad transvehendos itinerantes. Aribo in Vita S. Corbiniani Episc. in Hist. Frising. Meichelbecki tom. 2. pag. 29 :
Amissis autem transalpinis jugibus, cum ad Portum Oeni fluminis cum tantis reliquiis viri religiosi pervenerunt, etc.
Ubi et fluminis trajectus intelligi potest. Vide Portura.
© École des chartes.
[]« 4 portus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 427c. http://ducange.enc.sorbonne.fr/PORTUS04
4. PORTUS, Reditus, prædiorum commoda, Gallis, Rapports, revenus. Vita S. Placidi Mart. num. 45 :
Requisitus de possessionibus ac Portubus,... de servis et ancillis.
Infra :
Præcipit ut... earumdem cortium procuratores ac Portuum custodes... duceret.
N. 47 :
Præcepit quod de pretio, quod de Portu acceperat, construeret domum, in qua ipse cum suis habitaret, etc.
Infra :
Præpositi Portuum et procuratores cortium... redditus Portuum et census cortium.
Adde num. 55. Chronicon Casin. lib. 3. cap. 57 :
Locum qui Cætrarius dicitur in Calabria cum toto Portu suo.
Lib. 4. cap. 89 :
Obtulit Ecclesiam S. Nicolai et sanctæ Luciæ cum Portu suo, et cum omnibus rebus suis.
Cap. 97 :
De gualdo et de Portu molendini.
Charta Ottonis Imper. ann. 956. apud Ughellum tom. 1. pag. 419 :
Insuper trado supradictæ Ecclesiæ in Comitatu Aprutii.... unum Portum, qui reddat centum pondera inter aurum et argentum, et etiam ferrum et sal : qui Portus continet intra se quinque millia modiola inter terram et aquam intra mare.
Guntherus lib. 8. Ligurini :
Vectigal, Portus, cudendæ jura monetæ,
Cumque molendinis, telonea, flumina, pontes, etc.
Radevicus lib. 3. cap. 41 :
Monetam, teloneum, pedaticum, Portus, Comitatus, etc.
Lib. 4. cap. 5 :
Telonea, fodrum, vectigalia, Portus, pedatica, etc.
Occurrit passim in Chartis Italicis apud Ughellum. []
© École des chartes.
[]« 5 portus » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 428a. http://ducange.enc.sorbonne.fr/PORTUS05
5. PORTUS, Agendi ratio. Charta Philippi Pulcri Reg. Franc. ann. 1302. apud Menester. Hist. Lugdun. pag. 84 :
Caventes sibi sic substituentes quod pro administratione, Porto, seu gestione substitutorum suorum, si quid in eis commiserint, tenebuntur prout de jure fuerit respondere.
Vide Portamentum.
P. Carpentier, 1766.
◊ Port, eodem sensu, in Lit. ann. 1372. tom. 5. Ordinat. reg. Franc. pag. 563 :
Leur bon Port, leur bon estat et bon gouvernement.
Occurrit præterea tom. 6. earumd. Ordinat. pag. 227. art. 5. et in Lit. ann. circ. 1360. apud Marten. tom. 1. Ampl. Collect. col. 1473.
© École des chartes.
[]« 6 portus » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 428a. http://ducange.enc.sorbonne.fr/PORTUS06
6. PORTUS, Auctoritas, pondus. Proposita in Conc. Paris. ann. 1416. apud Marten. tom. 4. Anecd. col. 350 :
Attento quod habet (Vaurensis Episcopus) magnum Portum et officium in dicto Concilio, etc.
Galli diceremus, Attendu qu'il est d'un grand poids dans ce Concile, etc.
P. Carpentier, 1766.
◊ Port, eadem acceptione, in Lit. remiss. ann. 1397. ex Reg. 152. Chartoph. reg. ch. 298 :
Soubz umbre du grant Port, que ledit Pierre Frere Jehan advocat avoit en justice, par le moyen de sa science et de sa praticque, etc.
© École des chartes.
[]« 7 portus » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 428a. http://ducange.enc.sorbonne.fr/PORTUS07
7. PORTUS, Vectura, Gall. Port. Statuta Avenion. lib. 1. rubr. 25. art. 2 :
Quodque molendinarius pro Portu et reportu cujuslibet salmatæ grani, vel farinæ, tam infra civitatem quam extra mercedem unius solidi Turon. tantum consequatur.
Reparationes factæ in Senescallia Carcassonæ ann. 1435 :
Item pro Portu calcis... vi. sol.
les Bénédictins de St. Maur, 1733–1736.
Portus Armorum, Gall. Port d'armes. Charta Ludovici Delphini ann. 1451. apud Salvaingum de Usu feud. pag. 62 :
Cujus quidem statuti prætextu, cum plures ex post exortæ fuerint rixæ, Portus armorum, volentiæ, etc.
Vide Portatio.
© École des chartes.
[]« 8 portus » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 428a. http://ducange.enc.sorbonne.fr/PORTUS08
8. PORTUS, Portorium, tributum quod ad portas civitatum, vel in portubus, seu pro appulsu ad portum exsolvitur. Charta xi. sæc. apud Ruffium filium in Comit. Provinc. pag. 29 :
Denique in villa, quam rustica lingua nominat Pertusum, tenebamus mistraliam, et Portum, et mercatum, et districtum.
Pro tributo quod in portubus exigitur, occurrit in Charta Ottonis IV. Imp. ann. 1210. apud Murator. delle Antic. Estensi pag. 392. Pro appulsu ad portum, in Charta Caroli Imper. ex Tabul. Major. Monast. :
Cum piscatoriis, tractis omnibus, nec non Portum utriusque ripis.
Vide Portaticum.
P. Carpentier, 1766.
◊ Pactum inter Raim. V. comit. Tolos. et abb. S. Egid. ann. 1160. inter Probat. tom. 1. Hist. Nem. pag. 36. col. 2 :
Guirpimus Deo et beato Egidio et tibi Bertranno abbati... in perpetuum, quidquid juste vel injuste petebamus..... insuper Portu prædicto sive portorio, ut de cetero monasterium S. Egidii libere habeat et quiete possideat ipsum super Portum sive super portorium.
Regist. episcopat. Nivern. ann. 1287 :
Hic sunt redditus et res pertinentes ad domum de Albigniaco, Portus æstimatur decem libras, etc.
Vide supra Portagium 3.
les Bénédictins de St. Maur, 1733–1736.
Portus, secundæ declinat. in Charta ann. 990. ex Tabul. S. Tiberii :
Et in ripa fluminis Arauri ecclesiam S. Petri... cum ipso Porto.
© École des chartes.
[]« 9 portus » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 428a. http://ducange.enc.sorbonne.fr/PORTUS09
9. PORTUS, idem quod Deportus, Jus caduci in beneficiis ecclesiasticis, quando vacant ; quod ad episcopum, archidiaconum aut archipresbyterum spectat. Jura parroch. eccl. de Thoisiaco Æduens. diœc. ann. 1383. ex Cod. [] reg. 5529. B :
Archipresbyter percipit... ab omnibus et singulis curatis sui archipresbyteratus pro Portu et nomine Portus duos solidos et sex denarios Turon.
© École des chartes.