« »
 
[]« 6 quarta » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 596b. http://ducange.enc.sorbonne.fr/QUARTA06
6. QUARTA, Præstationis agrariæ species. Vita S. Agricoli Episc. Avenionensis :
Prædia liberaliter assignavit, insuper concesso Quartarum privilegio, etc.
Necrologium Ecclesiæ Ambian. :
Prid. Kal. Aug. legavit Ecclesiæ Paris. 2. arpenta vineæ, sita apud Cuvilliacum,.... in censiva et dominio Capituli Paris. onerata de reditu qui vulgariter appellatur Quarta, et tallia.
Infra :
Onerata de reditu supradicto, qui vocatur Quarta, et tallia.
Charta Gauslini Episcopi Patavini, apud Ughellum :
Cum Quartis et decimis, etc.
Synodus Nemausensis ann. 1284. cap. de Pœnitentia :
Circa decimas et primitias, tributa, Quartas, et taschas, etc.
Regestum Tolosanum Cameræ Computorum Parisiensium fol. 72 :
Expletiva vel adempriva, questæ vel albergia, Quarti, vel agrarii vel aliæ prisonæ, obliæ, vel dominationes, etc.
Fol. 103 :
Venationes et forestagia, Quarta et quinta, et [] agraria, decimas et primitias, etc.
Charta ann. circiter 1143. in Probat. novæ Histor. Occitan. tom. 1. col. 502 :
Totum hoc sive in taschis, sive in Quartis, cum omni dominio.... donamus Deo omnipotenti, etc.
Chronicon Farfense apud Muratorium tom. 2. part. 2. col. 539 :
Concessit... alias res sub ipso monte ad Quartam reddendam et de vino mundo medietatem et operas atque xenia, sicut alii homines hujus monasterii.
Ibidem col. 542 :
Et pro solidis XII. concessit in Bacciano res ad quintam reddendum, et ibidem modios II. et aliam petiam ibi ad Quartam, et operam unam et xeniam.
Rursum col. 544.
Pro solidis XX. concessit in Serrano clausuram unam ad Quartam
. Fructuum quartam partem in hisce postremis locis intelligo, quam tenens domino persolvebat. Vide Quartales vineæ in Quartagium, Quarto 7. Quartus 2. et Quinta 2.
Quartæ Ecclesiarum, seu quartæ decimarum Ecclesiasticarum. Chronicon Mosomense ann. 1015 :
Per deprecationem illius Abbatis Bosonis et aliorum fidelium, ad susceptionem peregrinorum et pauperum donavit ad illum locum Quartas omnium Ecclesiarum, quæ ad ipsum pertinebant locum, et decimam porcorum, etc.
Tabularium S. Severi, apud Marcam lib. 4. Hist. Beneharn. cap. 7 :
Et insuper sui amore Quartas Ecclesiarum undecim, quarum nomina infra annotata habentur, sibi darent : quæ scilicet Ecclesiæ una cum villis Curtes consulares vocabantur.... satisfeci ergo Principi, et secundum quod postulaverat, ad meum placitum Quartas illas dimisi, etc.
Ubi in alia Charta Aquensi apud eumdem Marcam eodem lib. cap. 9 :
Reddidit... Quartas decimæ omnium Ecclesiarum.
Charta Sanctii Regis Aragonum æræ 1109. in Historia Pinnatensi lib. 3. cap. 16 :
Omnes has Ecclesias cum decimis et primitiis, oblationibus et defunctionibus, et Quartis, et cum omni jure Episcopali et Archidiaconi, etc.
Alia ann. 1195. apud Gariellum in Episcopis Magalonensibus pag. 168 :
Guillelmus de Monteferrario totum honorem, terras, homines et fœminas, Quartas partes, et usatica, quæ in tota S. Andreæ de Maurino parochia possidebat, Magalonensi Ecclesiæ dedit, etc.
Charta ann. 1019. Marcæ Hispan. col. 1017 :
Dono quoque ego Petrus Episcopus parrochiam S. Petri de Navata cum omnibus suis pertinentiis, et fiscum Crispiani cum Quartis S. Stephani de Bas et medietatem justitiarum de Bascara et ecclesiam de Fontanillas cum omnibus pertinentiis suis.
Epistola Alexandri III. PP. :
Ad audientiam apostolatus nostri pervenit, quod cum monachos S. Savini excommunicationi decrevimus subjacere pro restitutione Quartarum ecclesiarum quæ venerabili fratri nostro Bigoritano episcopo.... fuerant adjudicatæ.
Vide Quarto 8. et Murator. Antiq. Ital. tom. 2. col. 204.
Quartæ, Redituum Ecclesiæ pars quarta, apud Gregorium M. lib. 3. Epist. 11. quæ scilicet aut Episcopo, aut Clericis, aut pauperibus, aut fabricæ competit. Vide Chartam Ratoldi Episcopi Veronensis apud Ughellum pag. 604.
© École des chartes.