« »
 
SEQUENTIA 1, SEQUENTIA 2, SEQUENTIA 4.
[]« 1 sequentia » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 432b. http://ducange.enc.sorbonne.fr/SEQUENTIA1
1. SEQUENTIA, Canticum exultationis, quæ et Prosa dicitur, sic appellatum, quia pneuma jubili sequitur, inquit Durandus lib. 4. cap. 21. Ordo Romanus, et Alcuinus lib. de Divin. Offic. :
Sequitur jubilatio, quam Sequentiam vocant.
Observat idem Durandus Sequentias a Notkero Abbate S. Galli primum compositas, et Nicolaum PP. ad Missam cantari præcepisse, quod de Nicolao II. accipiendum opinatur Papebrochius. Huc spectant, quæ habet Eckehardus de Vita B. Notkeri Episcopi Saltzburg. cap. 17 :
Sequentias, quas idem pater sanctus fecerat, destinavit per bajulum urbis Romæ Nicolao.
Cap. 18 :
Sequentiam dico, quæ est de Spiritu sancto : Sancti Spiritus assit nobis gratia.
Bromptonus de Roberto Rege Franc. :
Hic Robertus Rex fecit Sequentiam illam de festo Pentecostes, quæ sic incipit : Sancti Spiritus assit nobis gratia.
les Bénédictins de St. Maur, 1733–1736.
◊ Johannes Adelphus Sequentias commentariis suis illustratas edidit Argentinæ ann. 1513. Binas composuit Albertus Magnus, unam de Trinitate, alteram de Ascensione. Utraque exstat in Missali Prædicat. Paris. ann. 1519. excuso.
Sequentiæ, quas Metenses vocant, apud Eckehardum junior. de Casib. S. Galli cap. 4.
Sequentiarius, Liber, seu Codex, in quo continentur Sequentiæ. Eckehardus junior de Casibus S. Galli cap. 11 :
Quidam fratrum Ecclesia egressus Sequentiarium manu ferebat, quem illi assumentes in sequentia diei Notkerum Balbulum laudant.
Acta Murensis Monasterii pag. 10 :
Antiphonarium, partem de Graduali, Sequentiarios 4.
Alibi :
Tres Antiphonarii, ex quibus unus musice notatus est, et decem Sequentinarii.
Sed legendum Sequentiarii, aut Sequentionarii, ut habetur pag. 33. Sequentionarius rursum occurrit in Catalogo libr. Canoniæ S. Nicolai Patav. apud Bern. [] Pezium tom. 1. Anecd. in Præfat. pag. lii :
Unus gradualis liber, unus Sequentionarius cum tropis, etc.
les Bénédictins de St. Maur, 1733–1736.
Sequentialis, Eadem notione, apud Schannat. in Vindem. Litter. pag. 8 :
Missales specialiter cum orationibus sex, et septimus cum gradualibus et Sequentiali... Sequentiales undecim, capitulares quatuor, etc.
© École des chartes.
[]« 2 sequentia » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 432c. http://ducange.enc.sorbonne.fr/SEQUENTIA2
2. SEQUENTIA, Comitatus, Gall. Suite. Vita B. Mariæ de Malliaco, tom. 3. Mart. pag. 744 :
Affuit quidam juvenis ex regali Sequentia, qui statum ejus aspiciens, etc.
Mirac. S. Vincentii Madelgarii tom. 3. Jul. pag. 679 :
Mansitabat etiam inibi aliquandiu cum uxore et natis, illa videlicet suæ paupertatis Sequentia, et quanto diutius, tanto cum majore fiducia.
Ubi Sequentia, si ad uxorem referatur, Comitem, sociam sonat.
© École des chartes.
[]« 4 sequentia » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 432c. http://ducange.enc.sorbonne.fr/SEQUENTIA4
4. SEQUENTIA, Salarium, quod canonicis, qui processioni vel officio intersunt, conceditur. Ordinar. MS. eccl. Camerac. fol. 96. r° :
Processio nostra pergit ad Sanctam Crucem,..... et ibi ad missam lucrabuntur domini nostri suam Sequentiam.
Vide mox Sequi chorum.
© École des chartes.