« »
 
TALEA 1, TALLIUM 1, TALLIUM 2, TALLIUM 3, TALLIUM 4, TALLIUM 5, TALLIUM 6.
[]« 1 talea » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 016b. http://ducange.enc.sorbonne.fr/TALEA1
1. TALEA, Talia, Tallia, Tallium, Voces unius ejusdemque originis, quæ nostris Tesseram ligneam significant, in duas partes fissam, in quarum utraque debitum continetur, transversaria quadam cæsura denotatum, altera penes emtorem vel debitorem, altera penes venditorem vel creditorem remanente : nostris vulgo Taille. Quæ quidem voces a Latina Talea et Talia deducuntur. Est enim Talea, ramus incisus, in Glossis MSS. Glossæ Lat. Gr. : Talia, ϰορμός, σχίζα, σϰυτάλη. Talia, ϰορμός, σχίδαξ. Taliæ, σχίδαϰες. Taleæ oleaginæ, apud Catonem et Varronem de Re rustica. Taliæ ferreæ, apud Cæsarem lib. 5. de Bello Gall. Taleæ fraxineæ, apud Serenum Sammonicum cap. 12.
Intercisi ex arboribus cylindri, quos Taleas vocant,
apud Vegetium lib. 4. cap. 8. Nonius :
Taleas, scissiones lignorum, vel præsegmina.
Vetus Agrimensor :
Terminus, si aliquam scissuram, hoc est, Taliaturam habuerit, montem scissum, id est, Taliatum ostendit, limes ille finem transit.
Vide Acta SS. Valeriani, Tiburtii, etc. num. 11. Hinc igitur
Talea, pro ejusmodi Tessera lignea, Gallis, Taille, Anglis a Taley, al. Talley. Leges Henrici I. cap. 56 :
Si..... de his, quæ ad firmam pertinent, controversia oriatur, si de Taleis agatur, etc.
Gervasius Dorobernensis in Hist. Angl. :
Videlicet ut Conventus Monachos tres vel quatuor ad custodiendas villas ordinaret, qui redditibus omnibus Thesaurariis, a Conventu constitutis, per Taleas responderent.
Matth. Paris ann. 1247 :
Fecit etiam per ballivos perscrutari, quod si aliquis institor, vel injuriam passus quicunque alius, in aliqua accommodatione [] coacta, vel extorsione pecuniæ, vel victualium ut solet per regios exactores, proferret scriptum, vel Taliam, vel testimonium, vel juraret, etc.
Atque hac notione passim usurpat Fleta lib. 2. cap. 27. § 5. c. 30. c. 61. § 2. c. 63. § 12. c. 70. § 1. c. 72. § 20. c. 82. § 5. etc. Adde Cowellum lib. 4. tit. 22. § 8. Glossarium Lobinelli tom. 3. Hist. Paris. etc.
les Bénédictins de St. Maur, 1733–1736.
Taullium, Eadem notione. Tabularium Ecclesiæ Ambianensis :
Majores vero in his, quæ ad grenidam veniunt, nihil juris habent, excepto quod quando annona mensuratur, si præsentes fuerint ad servitium Ecclesiæ, et Taullia sua fecerint, ut de summa annonæ rationem possint reddere officialibus Ecclesiæ, et saccos et vehicula ad deferendam annonam submoverint, uterque sex nummos pro sua procuratione habebit.
Corulina Tallia, Laterculus ex corylo arbore. Henr. de Knyghton pag. 2570 :
In æstate sequenti Rex cepit lanas de tota terra Angliæ, per Tallias corulinas, et parvula brevia scripta, imposito pretio 9. marcarum ad saccum, etc.
Gloss. Lat. Gr. : Corulus, ποντιϰέα. Vide Tallia.
© École des chartes.
[]« 1 tallium » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 024c. http://ducange.enc.sorbonne.fr/TALLIUM1
1. TALLIUM, Idem quod Tallio, minor vel extraordinaria tallia. Charta ann. 1358. ex Schedis Cl. V. Lancelot :
Cum nunc et de novo quoddam Tallium ordinatum fuerit in loco S. Saturnini, etc.
Concilium apud S. Tiberium ann. 1389. tom. 4. Anecd. Marten. col. 344 :
Quod indicatur in tota provincia Narbonensi unum Tallium de mille francis incontinenti levandum, etc.
© École des chartes.
[]« 2 tallium » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 024c. http://ducange.enc.sorbonne.fr/TALLIUM2
2. TALLIUM, Territorium urbis, certi limites, intra quos civitatis cujusdam districtus continetur. Charta pro incolis loci de Giniaco ann. 1340. in Reg. 73. Chartoph. reg. ch. 164 :
Non possit portari facere vinum, vindemiam aut racemos ;..... nisi dumtaxat hoc facerent de propriis ipsorum prædiis,...... vel nisi hoc facerent de prædiis alienis, scituatis tamen infra Tallium dicti loci.
Vide Tallia 6.
© École des chartes.
[]« 3 tallium » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 024c. http://ducange.enc.sorbonne.fr/TALLIUM3
3. TALLIUM, Incisio, Gall. Taille. Charta Phil. Pulc. ann. 1301. in Lib. rub. Cam. Comput. Paris. fol. 127. r°. col. 2 :
Cum quæstio verteretur super jure et dominio Talii cunorum monetæ nostræ Tholosanæ, etc.
© École des chartes.
[]« 4 tallium » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 024c. http://ducange.enc.sorbonne.fr/TALLIUM4
4. TALLIUM. Vendere ad Tallium, Singulatim distrahere, Gall. Vendre en détail. Pactum inter abb. S. Tiber. et consul. Biter. ann. 1243. ex Tabul. ejusd. monast. :
Vendere pannos ad Tallium, etc.
Charta ann. 1307. in Reg. 13. Chartoph. reg. ch. 4 :
Concedimus quod si in alio loco dicti castri (de Naiaco) carnes venderentur ad Tallium per dictos macellarios, etc. Vendere ad Tallium,
in alia senesc. Ruthen. ann. 1310. ex Reg. 49. ch. 80. Vide supra Talhare.
© École des chartes.
[]« 5 tallium » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 024c. http://ducange.enc.sorbonne.fr/TALLIUM5
5. TALLIUM, Præstatio, quæ episcopo fit a presbyteris suæ diœcesis. Stat. synod. eccl. Castrens. ann. 1358. part. 2. ex Cod. reg. 1592. A. fol. 76. r° :
Archipresbyter solvet anno quolibet in dicto Tallio unum florenum et duas partes floreni.
© École des chartes.
[]« 6 tallium » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 024c. http://ducange.enc.sorbonne.fr/TALLIUM6
6. TALLIUM. De Tallio, Cæsim, Gall. de Taille, Ital. di Taglio. Lit. remiss. ann. 1397. in Reg. 152. Chartoph. reg. ch. 224 :
Dictum Vitalem duobus vulneribus de pic, sive de Tallio, uno super capite et alio super altera suarum tibiarum sic deffendendo percussit.
Hinc Tallure, pro Entaille, Incisio, vulnus cæsim factum, in Constitut. civit. Tullens. ann. 1297. ex Reg. A. Chartoph. reg. ch. 1 :
Qui feroit Tallure ou sanc, il paieroit dix pour ladres et autretant à celui, cui li injure seroit faite, c'il la vouloit requerre, et veuderoit la ville deux mois.
Vide supra Taillium.
© École des chartes.