« »
 
TRABUCCUS, TRABUCHUS, TRABUCUS 1, TRABUCUS 2, TREBUCHETUM.
[]« Trabuccus » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 140c. http://ducange.enc.sorbonne.fr/TRABUCCUS
TRABUCCUS, Mensura agraria, apud Mabill. in Museo Ital. pag. 177 :
Apud Mediolanenses sex pedes Trabuccum efficiunt []  ; duo Trabucci jucatam, quæ in se multiplicata tabulam constituit, et viginti quatuor tabulæ perticam componant.
Vide mox Trabuchus.
© École des chartes.
[]« Trabuchus » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 141a. http://ducange.enc.sorbonne.fr/TRABUCHUS
TRABUCHUS, Trabucus, Species mensuræ, si bene conjecto. Statuta Civitatis Astæ Collat. 3. cap. 47 :
Revenditores, qui habent discos in mercato teneantur et debeant tenere expeditas quatuor vias latas per duos Trabuchos.
Statuta Placentiæ fol. 60. v° :
Cum quidam habentes testam juxta rivos, quæ testa est terra glarea vel gerbida, quæ non consuevit laborari vel colligi, vetantur habere quindenam juxta numerum Trabuchorum ipsius teste terrarum glarearum et gerbidarum.
Statuta Montis-regalis pag. 60 :
Quod illa venditio seu acquisitio...... fieri non possit, et facta non valeat, nisi facta fuerit ad mensuram, nominando jornatas sive Trabucos in instrumento talis venditionis.
Vide alia notione in Trebuchetum.
P. Carpentier, 1766.
◊ Eadem quæ supra Trabuccus. Annal. Placent. ad ann. 1451. apud Murator. tom. 20. Script. Ital. col. 902 :
Flumen Trebbiæ supra modum, et ultra hominum memoriam, inundavit, et faciem terræ cooperuit.... per Trabuchos, sive mensuras duas.
Acad. Hisp. Trabuco est Novempedalis mensura.
© École des chartes.
[]« 1 trabucus » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 141a. http://ducange.enc.sorbonne.fr/TRABUCUS1
1. TRABUCUS, f. Genus calceamenti. Charta Petri Abb. Cluniac. apud Baluz. tom. 5. Miscell. pag. 452 :
Trabucos vero et pedules fratrum primo custodi operis novæ Ecclesiæ imposui, cujus redditibus ..... propter novas emergentes guerras deficientibus, camerario...... injunxi, ut Trabucos et pedules fratribus provideret.
Occurrit alia notione in Trabuchus et in Trebuchetum.
© École des chartes.
[]« 2 trabucus » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 141a. http://ducange.enc.sorbonne.fr/TRABUCUS2
2. TRABUCUS, Trabuchettus, Monetalis statera, Gall. Trebuchet. Constitutiones Jacobi Regis Siciliæ cap. 58 :
Habebant in eorum domibus Trabuchettos non justos, seu majoris ponderis, cum quibus Turonenses grossos argenteos et alias pecunias argenteas, si essent integri, et statuti ponderis videri et eligi faciebant, etiam, dum occasione majoritatis Trabucorum ipsorum, prædicta moneta argenti minoris ponderis videretur.
Pluries ibi.
© École des chartes.
[]« Trebuchetum » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 162a. http://ducange.enc.sorbonne.fr/TREBUCHETUM
TREBUCHETUM, Trabuchetum, etc. Catapultæ species, seu machina grandior ad projiciendos lapides, et concutiendos urbium obsessarum muros. Monachus Vallis Sarnaii cap. 86 :
Jaciebant siquidem hostes super nostros creberrimos lapides cum duobus Trabuchetis, mangonello, et pluribus matafundis.
Matth. Paris. ann. 1246 :
Per septem Trebuchetta ordinata, quæ tam de die, quam de nocte, in castrum Capacii projicere non cessabant.
Gesta Ludov. VIII. Reg. Franc. ann. 1226 :
Machinæ eriguntur, Trabucheta, petrariæ, mangonelli parum proficiunt.
Richardus de S. Germano in Chronico :
Combusta machina, quæ vulgo dicitur Trebuchetum.
Ita enim leg. pro Trebuvetium. Rursum memorantur Trabuchetti, vel Trabucheti in enumeratione munitionum Castri Sommeriæ in Occitania, apud Baluz. tom. 6. Miscell. pag. 259. Murator. tom. 6. col. 440. tom. 12. col. 587. 644. etc. Philippus Mouskes in Phil. Augusto :
Grans perieres et mangoniaus,
Arbalestres et Trebukiaus,
Atravé sont droit à la mue.
Infra :
D'un Trebukiet fit trebukier
Mult grant partie de lors murs.
Trebus, in Chron. Flandriæ cap. 110 :
Et avoient avec eux plusieurs chariots, qui menoient Trebus et espringals.
Cap. 11 :
Et ebahirent plusieurs François de leur [] Trebus.
Germani Trebock dicunt. Fragmentum Hist. post Albert. Argentin. ann. 1212 :
Otto Imp. ab Apulia et Italia reversus obsedit oppidum Visense, quod similiter expugnavit usque ad arcam....... Ibi tunc primum cœpit haberi usus instrumenti bellici, quod vulgo Triboc appellari solet.
Apud Petrum de Vineis lib. 2. Epist. 57. scribitur etiam Tribocchus.
P. Carpentier, 1766.
◊ Glossar. Lat. Gall. ex Cod. reg. 7679 : Trebuchetum est quædam machina grandis et materialis, Gallice Trébuchet. Aliud ann. 1348. ex Cod. 4120 : Trabucheta, Gallice Trabuchet. Glossar. Provinc. Lat. ex Cod. 7657 : Trabuc, Prov. fundibolus, tormentum. Trabucar, Prov. irruere, præcipitare, Guill. Tyrii contin. Hist. belli sacri apud Marten. tom. 5. Ampl. Collect. col. 706 :
Mistrent la main à assegier le chastel et faire engins, et firent un grant Trébuchet, qui gettoit le pesant d'un quintax.
Trabuchus, apud Auctorem Histor. Obsid. Jadrensis lib. 1. cap. 29. 36. 38. lib. 2. cap. 10. 11. Rollandinum in Chr. lib. 4. cap. 2. 4. 14. lib. 10. cap. 4. Murator. tom. 6. col. 425. 446. tom. 10. col. 68. tom. 11. col. 67. 262. tom. 12. col. 786. tom. 17. col. 1032. etc. Vide Lexic. Milit. Caroli de Aquino.
les Bénédictins de St. Maur, 1733–1736.
Trabuccus, Trabucus, apud eumdem Murator. tom. 6. col. 411. 436. tom. 12. col. 551. 589. tom. 16. col. 463. tom. 17. col. 1033. etc.
les Bénédictins de St. Maur, 1733–1736.
Trabuckus, in Chronico Siciliæ apud Martenium tom. 3. Anecd. col. 79.
Trabucha, apud Monachum Paduan. lib. 2. et Petrum de Vineis lib. 2. Epist. 1. Raimundus Montanerius in Chron. Aragon. cap. 165 :
Et su arbora 4. Trabuchs, qui tot jorns treien deins la ciutat.
Ita non semel in Chronico Petri Regis Aragon. edito a Mich. Carbonello, lib. 1. cap. 22. 17. 30. lib. 4. cap. 4. lib. 6. cap. 4. Trabuquet, in Historia bellorum Albigensium lingua vernacula scripta MS. in Bibliotheca Regia pag. 277. Petrus Gerardus Patavinus lib. 7. de Gestis Ezelini pag. 78 :
Gatti, mangoni, Trabuchi, ponti, et ogni sorte di munitioni.
Occurrit præterea pag. 80. et in Historia Cortusior. lib. 1. cap. 21. lib. 8. cap. 16. lib. 9. cap. 6. lib. 11. cap. 10. Ædificia Trabucantia, apud Rollandinum in Chr. lib. 6. cap. 6.
les Bénédictins de St. Maur, 1733–1736.
Trabucare, Evertere, diruere, Ital. Traboccare. Chron. Parm. ad ann. 1285. apud Murator. tom. 9. col. 808 :
Pars de Boschettis intrinsecorum Mutinæ equitavit ad guastandum et Trabucandum castrum de Livizano.
Trabuchellus, in Epist. scripta circa ann. 1220. in lib. 2. Miscell. Baluzii pag. 259 :
Super unam quamque turrem unus Trabuchellus fuit erectus.
les Bénédictins de St. Maur, 1733–1736.
Tribuccum. Bern. de Breydenbach Itin. Jerosol. pag. 268 :
Machinam versilem, quod Tribuccum vocant, ingentia saxa in munitiones et hostium fossas torquens erigere statuunt.
les Bénédictins de St. Maur, 1733–1736.
Tribucetum. Jac. de Vitriaco lib. 3. Histor. Orient. tom. 3. Anecd. Marten. col. 298 :
Nos interim petrarias, Tribuceta, scalas et alia bellica præparantes instrumenta, etc.
Alter locus exstat in Biblia 1.
les Bénédictins de St. Maur, 1733–1736.
Tribuch, in Charta Johannis Regis Angl. apud Thomam Blount in Nomolexico.
les Bénédictins de St. Maur, 1733–1736.
Tribuchetum. Jac. de Vitriaco lib. 3. jam laudato, col. 291 :
In expugnatione turris cujusdam miræ magnitudinis, quæ nec petrariis nec instrumentis, quæ Tribucheta dicuntur, poterat superari.
Tribuculus, Eadem notione, apud [] eumd. Jac. de Vitriaco lib. 3. Hist. Orient. :
Quæ omnes (testitudines) remanserunt integræ, præter unam quæ crebris Tribuculis Templariorum ictibus concussa fuit aliquantum.
Infra :
Inventi sunt in Damiata Tribuculi quatuor, cum petrariis et mangonellis.
Tribunculus, apud Matthæum Paris ann. 1099 :
Petrarias, Tribunculos et arietes.
Trebuculus, apud eumdem ann. 1218 :
Neque insultu petrariarum, aut Trebuculorum ictibus, parum vel nihil profecerunt.
An 1219 :
Cum diutius usu petrariarum et Trebuculorum aliarumque machinarum muros civitatis subvertere laborasset.
Trabuculus, lib. 2. Hist. Obsid. Jadrens. cap. 14. et apud Muratorium tom. 7. col. 839.
Trepget, pro Trebuchet, apud Henricum de Knyghton ann. 1382 :
Posuerat etiam unam machinam magnam, et unum Trepget, cum una magna gunna, etc.
Hinc appellatio mansit apud nos instrumentis, aut machinulis suspensis et lapsilibus, ad captandas aviculas. Has enim etiamnum Trebuchets appellamus. Vide Tribuculus, et Meursium in Τριμπουτζέτον, ex Gallico Trebuchet.
© École des chartes.