« »
 
VISTA 1, VISTA 2, VISTA 3, VISTA 4, VISTA 5, VISTA 6.
[]« 1 vista » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 357b. http://ducange.enc.sorbonne.fr/VISTA1
1. VISTA, Prospectus in domum vel tenementum vicini : Veue sur quelqu'un. Droit de veues in Consuet. Bituric. tit. 11. art. 2. 13. Libertates concessæ Barcinonensibus a Petro Rege Aragon. ann. 1283. MSS. :
Nemo potest habere Vistam in alterum, nisi primo aspiciat super tenedonem suam.
P. Carpentier, 1766.
◊ Occurrit præterea in Instr. ann. 1388. tom. 8. Ordinat. reg. Franc. pag. 284. art. 6. Neque alio sensu hæc vox accipienda videtur infra num. 2. hoc est, in conspectu monasterii, Gall. En vue du monastere. Vide supra Visio 1.
les Bénédictins de St. Maur, 1733–1736.
Vista, Locus unde visus patet, Provincialibus la Visto. Inquisitio ann. 1268. ex Schedis Præs. de Mazaugues :
Et a Berbegal usque ad Vistam qua videtur totum Cravam.
Vide Visura.
© École des chartes.
[]« 2 vista » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 357b. http://ducange.enc.sorbonne.fr/VISTA2
2. VISTA, in Charta ann. 1295. ex Schedis Præs. de Mazaugues :
Non possit.... aliquid novi facere, aliquod fortalitium vel tenere vel habere, nec castellum in Vista monasterii.
Id est, ni fallor. intra monasterii districtum, territorium. Vide Vista 1.
© École des chartes.
[]« 3 vista » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 357b. http://ducange.enc.sorbonne.fr/VISTA3
3. VISTA, Colloquium, congressus, Gall. Entrevue. Litteræ Philippi III. Reg. Francor. apud Rymer. tom. 2. pag. 152 :
Speciales nuncios destinavit cum potestate plenaria tractandi de faciendo Vista seu colloquio de nobis et eodem Rege super pace perpetua.
Infra :
Extitit conventum quod pro Vista seu colloquio hujusmodi celebrando, nos apud Montem-Marcianum, idem autem Rex apud Baionam personaliter erimus.
Litteræ Edwardi Reg. Angl. ann. 1286. ibid. pag. 330 :
Terminum Vistæ, inter nos et vos ad invicem faciendæ exposuimus eisdem secreto.
Occurrit præterea pag. 369. 457. etc. Inventar. Chartar. Reg. ann. 1482. fol. 309 :
Litteræ procuratoriæ Regis Castellæ super Vista et congregatione Regis Francorum et ipsius super concordiis inter eos confirmandis. De anno 1288.
© École des chartes.
[]« 4 vista » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 357b. http://ducange.enc.sorbonne.fr/VISTA4
4. VISTA, Inspectio, visitatio, Hispanis Visita, Gall. Visite. Conc. Terracon. ann. 1329. apud Marten. tom. 4. Anecd. col. 285 :
Ne fiant Vistæ in monasteriis. Item, præcipimus et mandamus omnibus judicibus et advocatis litteratis, ne conveniant vel intersint alicui Vistæ, quæ fit vel fiat in monasteriis vel grangiis religiosorum.
Vide Visores 2.
© École des chartes.
[]« 5 vista » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 357b. http://ducange.enc.sorbonne.fr/VISTA5
5. VISTA, Alia notione. Charta pro Vicario Bituricensi, ex Tabulario S. Sulpicii Bituric. :
Similiter de molendinis (habebit) unum molendinum, de Vistis unam Vistam, similiter ex liberis et scamnis de sacerio unum paronarium.
Quæ quidem mendo non carent.
les Bénédictins de St. Maur, 1733–1736.
◊ Vasis genus significari existimo, ut et apud Limborch. Sentent. Inquisit. Tolos. pag. 67 :
Item quadam vice portavit.... unum panem et unam Vistam vini [] ad domum Raymundi sartoris.
Et pag. 161 :
In domo prædictæ Aymengardis in Rapistangno vidit duos hæreticos, unum qui vocabatur Petrus, cui misit unam Vistam de Vino.
Ubi legendum censeo Justa, ut videre est in hac voce ; tametsi Viste pro urna seu vase sepulcrali legitur in Poemate de la guerre de Troyes MS :
Le cors fist mettre en une biere,
Molt richement à grant honor,
Si con firent si ancessor,
Le feu ont a lui ardoir,
Et si poez de li savoir
Qe la poudre fu bien gardée,
Bien fu cherie et honorée.
En une Viste de fin or,
Qe avoit Prians en son tresor,
Precieuse d'estrange guise,
L'ont dedenz scelée et mise.
Vide Urna 2.
P. Carpentier, 1766.
◊ Locum ex Tabul. S. Sulpicii sic emendo ex accuratiori lectione :
De Vistis, unam Vistam ; similiter ex tiberis et scamnis de Saacerio, unum pozonarium.
Hinc corrigendæ Literæ ann. 1397. inter Probat. tom. 3. Hist. Burg. pag. 187. col. 2 :
Une Niste d'or toute plaine à vingt un caras, pezant onze mars et demi.
Ubi leg. Viste.
© École des chartes.
[]« 6 vista » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 357c. http://ducange.enc.sorbonne.fr/VISTA6
6. VISTA, Nota, signum, quod facile videri potest. Stat. pro pannif. ann. 1317. in Reg. A. Cam. Comput. Paris. fol. 197. v° :
Ut omnes et singuli panni,... per quem facti fuerint evidentius cognoscantur,..... videlicet in Carcassona et ejus suburbiis et toto Carcassesio, in primo capite cujuslibet panni fiet una radicula seu Vista de cotonno albissimo latitudinis ad minus trium digitorum communium.
© École des chartes.