ACAPITAGIUM, Acapitatgium, Relevium, seu quod nomine relevii exsolvitur domino capitali. Lit. Philippi VI. reg. Franc. ann. 1335. in. Reg. 69. Chartoph. reg. ch. 250 :

Cum vero monasterii (De Caduino) abbas et conventus, qui duas partes unius falconis, in mutatione cujuslibet domini seu vassalli, pro Acapitagio ratione feudi, seu affarii aut tenementi de Castilhonesio,.... solvere nobis tenentur, etc.

Instr. ann. 1474. ex Tabul. Flamar. :

Promisit solvere.... medietatem Acapitatgiorum, quando prædictus locus domino mutatur, secundum usus et consuetudines dicti loci Flamarenxis.

Vide in Accaptare.