« »
 
[]« 1 aiacis » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 151c. http://ducange.enc.sorbonne.fr/AIACIS1
1. AIACIS, Agicis, Aicis, Aizes, Aizum, Vicaria, districtus Vicarii, Gall. Viguerie. In Tabulario Ecclesiæ S. Juliani Brivatensis passim occurrunt hæc verba :
In Aice Brivatense, Ambronense, Nonatense, Cantillanico, Montanico, Riomense, etc.
Ubi in aliquot Chartis aliis pro hac voce habetur :
In Vicaria Brivatense, Nonatense, etc.
In Charta 160. fol. 92 :
In ipso Aice, seu in ipsa Vicaria.
Ubi perperam in arce reposuit aut legit Justellus in probat. Hist. Arvern. pag. 10. Et Ch. 248 :
In ipso Aiace et in ipsa Vicaria.
Ch. 250 :
In ipsa Aiace Brivati, in ipsa villa, quæ dicitur Fontanas... et in ipsa Aiace Comiense curtem nostram, etc.
Ch 351 :
In Comitatu et Vicaria Brivatense, in ipso Aiace, cedo Deo, etc.
Adde Ch. 260. 282. 297. In Ch. 223. habetur Agice.
◊ Harumce synonymarum vocum acceptio pro Vicaria evidenter probatur ex Instrumento Ecclesiæ Vabrensis tom. 1, novæ Gall. Christ. pag. 58. ubi Ministerium idem est quod Vicaria, et Aicis idem quod Ministerium :
Est ipse locus situs in pago Ruthenico in Vigaria Curiense.
Mox subditur :
Hoc sunt res proprietatis nostræ... in pago Ruthenico in Ministerio Curiense.
Deinde :
Vobis donamus similiter in ipso Aice vel in ipso Ministerio alios mansos nostros.
Mabillonius in Actis SS. Benedict. sæc. 3. part. 2. pag. 195. in hunc locum Chartæ commutationis Comitem Bernardum inter et Lanfredum Abb. Mausiacensem ann. 764 :
Qui (locus Mauciacus) est in patria Arvernica in Aice Riomense constructus in honore B. Petri Apostolorum principis, etc
; ait nomine Aicis pagum esse intelligendum, sed quominus in hocce loco, ut et in superioribus Vicarii districtus intelligatur, nihil impedit.
les Bénédictins de St. Maur, 1733–1736.
Aizis, Eadem notione. Charta Octomari Presbyteri relata in libro cui titulus :
Pièces pour et contre la Maison de Bouillon, à Cologne
, pag. 7 :
Et sunt sitæ ipsæ res in pago Arvernico, in villa quæ vocatur Maticara, in Aize Catiracensi.
Ibidem in alia Charta :
Sunt autem sitæ ipsæ res in pago Arvernico... in Aize Messiacensi, in loco cui vocabulum est ad Boscum, etc.
les Bénédictins de St. Maur, 1733–1736.
Aizum, Eadem significatione. Charta Cuneberti levitæ apud Baluz. tom. 2. Hist. Arver. pag. 16 :
Et in ipso Aizo mansos duos, qui vocantur Puco-navato cum omni sua integritate... et in ipso Aizo in villa quæ dicitur Ravacus, mansos duos cum appendariis tribus.
© École des chartes.