AISAMENTUM, Glossarium mediae et infimae latinitatis, Du Cange et al.

« Aisamentum » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 154a. http://ducange.enc.sorbonne.fr/AISAMENTUM

AISAMENTUM, Idem quod mox Aisantia. Charta Guillelmi Episc. Autissiod. ann. 1219 :

Dedit insuper Aisamenta terræ et lapidum in terra sua ad opus exclusarum molendinorum dictarum Monialium apud Arsiacum sitorum, et levatam piscium ipsorum molendinorum.

Charta Mathildis Comitissæ Nivern. pro Monast. B. M. de Consolatione, ann. 1244. inter Instrum. tom. 4. novæ Gall. Christ. col. 104. C :

De Aisamentis supradictis ad proborum virorum æstimationem, hoc quod voluerimus permutare poterimus ad dictæ Abbatiæ et Monialium commodum et utilitatem in æquivalentibus redditibus nostris prope dictam Abbatiam.

les Bénédictins de St. Maur, 1733–1736.

Asiamentum, Idem, tom. 2. Hist. Arverniæ, pag. 137.

les Bénédictins de St. Maur, 1733–1736.

Aisamentum, Notione paulo diversa, scil. pro Jure municipali sumi videtur, vel pro quadam immunitate debiti vectigalis, aut saltem pro jure solvendi minoris, quam solvunt alii. MS. anni circiter 1290. ex Chartophil. Episc. Autissiodor. ubi recensentur redditus Episcopatus :

Poulenagium illorum qui sunt deforis et de villa. Omnibus diebus quibus aliquis ducit ad ripam, polanus debet iiij denar. et ille de villa qui non habebit Aisamenta sua, nil debet. De quadrigis. Cadrigæ quæ vadunt extra villam oneratæ, debent quælibet decem denarios et obol. videlicet sex denarios de poulenagio, duos denarios de menagio, et duos denarios et obolum de roagio, excepto illo qui est de villa, qui nihil debet de polanagio, si habeat Aisamenta sua. De dolio ducere de una domo ad aliam. Quodlibet dolium ductum de una domo in aliam super quadrigam debet octo denarios, nisi habuerit Aisamentum. Et si habuerit Aisamentum, non debet præter quatuor denarios. Et si ductum fuerit per terram, debet quatuor denarios.

P. Carpentier, 1766.

◊ Delenda est particula negativa non ante habebit Aisamenta ; de iis enim, quæ ad vecturam necessaria sunt sermo est. Vide Aisamenta.