1. ALPES, vocati non modo montes, qui Italiam ab Gallia et Germania disterminant, sed etiam universim quivis montes altiores. Gloss. Lat. Gr. Alpes, ὄρη ὑψηλά. Isidor. lib. 4. cap. 8 :

Alpes proprie montes Galliarum sunt, de quibus Virgilius, Aerias Alpes et dicendo aërias Alpes, verbum expressit a verbo : nam Gallorum lingua Alpes alti montes vocantur.

Quæ quidem hausit a Servio ad illud Virgilii lib. 3. Georg. v. 474.

aërias Alpes

 : ubi ait a Gallis

aërios montes Alpes

vocari. Vide eundem ad Æneid. lib. 4. v. 442. et Raynouard. Gloss. Rom. pag. 58. Hac igitur notione, Alpes Pyrenæos montes appellavit Ausonius Epist. 24. ut et Fortunatus lib. 6. poëm. 2. et 7. lib. 10. poëm. 25 quo sensu

Alpinos Hispanos

dixit ex Catone Gellius. Ita Atho Monti, Alpis nomen non semel tribuit Sidonius carm. 2. et 9.

Alpes Arvernas

dixit Fortunatus Pictav. Episcopus ;

Alpes Astoricenses

, Osmundus Episcopus Astoricensis Epist. ad Idam Comitissam Bononiæ ;

Alpes Dofrinas

in Dania Saxo Grammaticus lib. 8. pag. 134. Dudo lib. 1. de Actis Normann. :

Quarum Dacia... præmagnis Alpibus emunita.

Adam. Bremensis. cap. 229 :

Normannia, quæ suis Alpibus circumdat Sueoniam.

Occurrit iterum cap. 239 :

Alpes montis Zebraii, Alpes Roscidæ vallis,

apud Lucam Tudensem cap. 86. 90.

Alpi d'Apennine

, apud Joann. Villaneum lib. 1. cap. 33.

Alpes Romaniæ

, apud Albertum Aq. lib. 2. cap. 43. lib. 3. cap. 33.

Alpes Bastarnicæ

, in Tabula Itineraria : quæ

Mons Carpates

Ptolemæo, nude Alpes, Jornandi.

Alpes ultra caput Danubii

statuit etiam Eustathius ad Dionysium. Adde Ermenricum in Vita S. Soli cap. 4. et Hist. Dalphin. tom. 2. pag. 72.

2. Alpes, Pascua montana, quo æstate pecora aguntur et pascuntur, ea scilicet, quæ in montium convallibus sita sunt. Nam non desunt, qui genuina notione Alpes, montium seu collium angustias significare censent, atque in iis Procop. 1. de Bello Goth. pag. 186. Edit. 1607 :

Ἂλπεις δὲ ϰαλεῖν τὴν ἐν στενοχωρίᾳ δίοδον οἱ ταύτῃ νενομήϰασι ἄνθρωποι.

Et Eustathius ad Dionysii περιήγ. pag. 42. qui ταύτην τὴν λέξιν ait ταυτὸν δύνασθαι τῇ ϰλεισούρᾳ. A Procopio hausit Lexicon Gr. MS. Reg. Cod. 2062. ἄλπεις, αἱ ἐν στενοχωρίᾳ δίοδοι. Charta Notherii Veronensis Episcopi ann. 921. apud Ughellum :

Portionem etiam meam de silva, quæ dicitur Forojuliana : ibidem addo et campum meum in Luxino ad Alpes faciendas.

Alia ann. 1168. apud Augustinum de la Chiesa in Hist. Pedem. cap. 26 :

A Carolo Episcopo Taurinensi quasdam Alpes, in valle Lancei sitas, acquisivit.

Charta Guigonis Andreæ ann. 1222. tom. 2. Histor. Dalphin. pag. 505 :

Item confirmo et concedo prædictæ domui Alpem illam, quæ dicitur Chalmencus ad æstivandas oves suas, ita quod nullus alius in eisdem pascuis animalia ad pascendum possit inducere, quæ scilicet Alpis terminata est, etc.

Acta Murensis Monasterii pag. 52 :

Provideat et ordinet qualiter ad Alpes pecora mittentur.

Adde pag. 53. 54. Annotatio Arnonis Episcopi, apud Canisium :

Una cum campis, silvis, Alpes, aquis, aquarum decursibus, etc.

Ibid. :

Tradidit supra dictus Dux in præscripto pago duos Alpes, qui vocantur Ganzo et Laduza, in quo sunt tantummodo pascua ovium.

Chartæ Alemanicæ Goldasti n. 27 :

Hobas in Uzzinvillare et Alpem pascuam ad Monasterium contradidit.

Donationes factæ Ecclesiæ Salisburgensi cap. 1. tom. 6. Antiq. lect. Canisii :

Dedit idem Dux ad eandem sedem colonias, et silvam magnam cum pratis et pascuis ibidem pertinentibus, et Alpes duas ad pascua pecudum.

Cap. 3 :

Ad cucullas colonos sex, et prata et silvam et Alpes quatuor.

Cap. 8 :

Saltum ad venationem atque ad pascua pecorum Alpes, etc.

Conradus de Fabaria de Casib. S. Galli cap. 20 :

Donavit Ecclesiæ curtem ad Cresarum... cum familia multa, cum planis, Alpibus, et pascuis.

Bertaldus Zuifaltensis Abbas de origine sui Monasterii :...

In montanis prope positis amplas Alpes, vel Salicæ terræ agros

. Charta Ludovici Pii ann. 838. pro Monasterio Anianæ :

Et inter confinia de pago Ruthenico seu Nemascense Alpes ad pecora alenda, seu alios usus.

Occurrit etiam eadem notione Alpa in Chartis Aleman. n. 86 :

A Meggelit Alpa, a Portaris Alpa.

Ita usurpatam hanc vocem observare est in variis Tabulis apud Ughellum tom. 1. pag. 898. 915. tom. 2. pag. 107. 130. tom. 5. pag. 1115. Columbum lib. 1. de Episcopis Valentin. n. 342. Guichenonum in Bibliotheca Sebusiana cent. 1. cap. 32. 81. Acherium tom. 5. Spicil. pag. 409. ubi Alpes a pascuis et montibus distingui videntur :

Res quas obtulit Magelfredus... cum capellis, castris, casis... pascuis, rupibus, planitiebus, montibus, Alpibus, una cum servis, etc.

Item tom. 10. pag. 637. et alios passim. Præterea a Rainardo Abbate Cisteriensi in Instit. cap. 57. etc.

Alpes pascuales

apud Ludewig. Reliq. MSS. tom. 4. pag. 182. Vide Æstiva. et Graffii Thes. Ling. Francic. vol. 1. col. 242.

3. Alpes, Altitudo. Paschasius Radbertus in Epitaphio Walæ Abbatis Corbeiensis lib. 1. cap. 16. inter Acta SS. Bened. sæc. 4. part. 1. pag. 479 :

Ubi jubeat mihi nostrum sternere lectum, (in agri sulcis) quorum latera hinc inde pulcris nos ambiendo fovebant fulcris, dum equi sella in medio posita, quæ unam mihi Alpem ad caput præbebat, alteram illi.

Testam. æræ 959. ap. S^a Rosa de Viterbo pag. 104 :

Tonicas 10 superlectiles, inter paleas et tramisirgas : 12 ganapes ; lineas 100 ; plumazos similiter 100 ; alii Alpes 5 ; almucellas 4, etc.