« »
 
AMA 1, AMA 2, AMA 3, HAMA.
[]« 1 ama » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 211a. http://ducange.enc.sorbonne.fr/AMA1
1. AMA. Ugutio : Strix, gis, nocturna avis, de sono vocis dicta, quando enim clamat, stridet. Hæc avis a vulgo dicitur Ama, ab amando parvulos : unde et lac præbere fertur lactentibus. Sic etiam Isidorus fere ad verbum in Glossario MS. San-Germanensi. Ex Isid. Orig. lib. 12. cap. 7. sect. 42.
P. Carpentier, 1766.
◊ Glossar. Gall. Lat. ex Cod. reg. 7684 : Ama, vespertilio, Chauvesouris.
© École des chartes.
[]« 2 ama » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 211a. http://ducange.enc.sorbonne.fr/AMA2
2. AMA, Amula. Papias : Amæ, vasa sunt, in quibus sacra oblatio continetur, [] ut vinum. Ordo Romanus :
Tunc venit Subdiaconus, ferens in brachio dextro patenam, et in sinistro calicem, in quo recipiuntur Amulæ populorum, etc.
Infra :
Pontifice oblationes populorum suscipiente, Archidiaconus suscipit post eum Amulas, et refundit in calicem majorem, tenente eum Subdiacono, quem sequitur cum scypho super planetam Acolytus, in quem calix impletus refunditur.
Ibidem :
Ornato vero altari, tunc Archidiaconus sumit amulam Pontificis de Subdiacono Oblationario regionario, et refundit super colum in calicem, etc.
Anastasius Bibl. in S. Silvestro PP. :
Donavit Amas argenteas duas, pensantes singulæ libras denas.
In Gregore IV :
Ipse Pontifex fecit Amas argenteas 6. quæ præcedunt per omnes stationes, pensantes lib. 13.
Amula, Minor Ama. Papias : Amula, vas vinarium. Amulæ dicuntur, quibus offertur devotio, sive oblatio, simile orceolis. Glossæ MSS. : Amula, vas offertorium. Hamula oblatoria, in veteri Charta Cornutianensi, edita a Suaresio. Ordo Romanus :
Amulæ argenteæ, ad vina fundenda paratæ.
Anastasius Biblioth. in Gregorio III. PP. :
Amulas superauratas paria duo.
In Hadriano :
Calicem unum, Hamulam offertoriam unam.
Ita cum aspiratione scribitur apud Ugutionem : Hamula, fiala in similitudinem urceoli. Chronicon Casinense lib. 1. cap. 28 :
Tulit in coronis, baziis, et Halmulis, garalibus, et cochleariis argenti libras 500.
Vide Gregorium M. lib. 1. Epist. 42.
P. Carpentier, 1766.
◊ Glossæ vett. : Amulæ, fialæ altiores.
les Bénédictins de St. Maur, 1733–1736.
Amas, pro Ama. Agnellus lib. Pontif. apud Murator. tom. 2. pag. 162. col. 2. C :
Amas una, et ipsa bene sculpta, urceus ad aquam manu similis, et ipse aquimanile de supra ex argento investito talis.
© École des chartes.
[]« 3 ama » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 211b. http://ducange.enc.sorbonne.fr/AMA3
3. AMA, est etiam mensura vinaria. Charta Anselmi Abbatis Laurisham. apud Hubertum Leodiensem de Palatinorum Comitum orig. :
Persolvere autem debent Curtarii 4. Amas vini, et 20. malter siliginis.
Anselmus Leod. cap. 88 :
Si pignoris loco vini poneret Amam.
Liber Eccl. Leod. apud Chapeavillum :
Commemoratio D. Notgeri Episc. nostri, pro quo habemus Amam vini de Frangeis, et 12. modios speltæ.
Vide Joan. Hocsemium in Henrico Episcopo Leod. cap. 3. in Adolfo cap. 15. Probat. Hist. Limburg. pag. 29. etc.
Hama, Majus dolium vinarium, in Hist. Trevirensi pag. 221 :
Triginta Hamas præparat, in quibus singulis singulos milites electos... collocat, etc.
P. Carpentier, 1766.
◊ Charta ann. 1227. in Chartul. 2. Flandr. ex Cam. Comput Insul. :
Duodecim caratas vini apud villam nostram Arnhem persolvemus ; quælibet etiam carrata sex Amas continebit.
Gall. Ayme. Pax inter clerum et cives Leod. inita ann. 1287. tom. 2. Hist. Leod. pag. 398 :
Ils pourront prendre huit deniers Liégeois à l'Ayme, et nient plus, dedans la cité de Liége. Amaige,
Jus, quod pro qualibet Ama, seu dolio perforato exigebatur. Reditus comitat. Namurc. ann. 1289. ex Reg. sign. :
Le papier aux aysselles,
in Cam. Comput. Insul. fol. 79. v° :
Encor a li cuens a Namur... les Amaiges, c'est asavoir... de chascune broke de cherveise, iij. deniers.
◊ Apud Latinos, Ama est vas aquarium restinguendis incendiis, de quo Juvenalis Sat. 14. vers 305. et Plin. lib. 10. Epist. 42. Contra Holstenius in Notis ad Passionem SS. Perpetuæ et Felicitatis, ait, amas apud hos Scriptores fuisse falces grandiores, seu ferramenta recurva,[] longissimis contis suffixa, qualia incendii compescendi aut extinguendi causa passim apud nos conspiciuntur : unde lex 12. D. de Instruct. leg. (lib. 33. tit. 7. fr. 12 § 18 et 21) amas et harpagones conjungit. Lib. 1. tit. 15. fr. 3. § 3 :
Præfectum vigilum per totam noctem vigilare debere... cum dolabris et Hamis,
ubi vulgo legitur armis. Forcellino in voce Hama est, uti Græcum Ἄμη, vas quo aquam hauriebant, Dirksenius vero, Manual. Font. jur. Holstenii sententiam sequitur.
© École des chartes.
[]« Hama » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 161b. http://ducange.enc.sorbonne.fr/HAMA
HAMA, Mensura vinaria, aliorumque liquidorum. Charta Adelberti Mogunt. Archiepisc. ann. 1139. tom. 2. Rerum Mogunt. pag. 584 :
Ut ... dimidiam ipsius terre vini Hamam persolverent, sicque residuum sine aliqua exactione in pace possiderent.
Chron. Bonæ-Spei pag. 390 :
Donant in eleemosynam Hamam vini rubelli reditus annui super tres partes vineti, juxta buxetum in parochia, etc.
Et pag. 396 :
Duas Hamas vini, etc.
Instrum. ann. 1522. apud Miræum tom. 2. Diplom. Belgic. pag. 1050 :
Ac etiam pro quoque capite habere quatuor Hamas cerevisiæ, ex qua poterunt sumere tertiam partem cerevisiæ[] bonæ, ac duas alias parvæ.
Vide Ama 3. et infra, Hamelicus.
P. Carpentier, 1766.
◊ Charta ann. 1047. tom. 1. Hist. Trevir. Joan. Nic. ab Hontheim pag. 384. col. 1 :
Et quia novem mansionalia, quæ et curtilia vocitantur, hæreditarie dicuntur possidere, decretum est ut... Hamam vini, quæ dicitur Pippini,.... persolvant.
© École des chartes.