APARIBILIS, Apparens, Practicis nostris Apparoissant vel Apparissant, Apertus, manifestus. Vide Lex Apparens, et Paribilis. Charta ann. 1108. ex Bibl. reg. cot. 19 :

Dono libi Frabrissæ uxori meæ in dote medietatem tocius mei honoris,... tali pacto, ut quamdiu vixerimus, simul habeamus ac teneamus nos et infantes nostri in omni vita nostra, qui de nobis duobus Aparibiles fuerint ; si vero de nobis duobus infantes non aparuerint, etc.

In Charta ann. 1196. ibid. Apparibilis, eodem sensu occurrit, ut et in Contractu matrim. ann. 1139. inter Probat. tom. 2. Hist. Occit. col. 488 :

Et si jam dictus vir tuus supervixerit te Bernardam uxorem suam, habeat ipse donationem istam in vita post obitum ejus, si esset infans de vobis duobus procreatus ; si Apparibilis non fuerit, prædicta donatio ad nos donatores vel ad propinquos nostros remaneat.