ARAGIUM, Ager aratorius, simul et tributum, quod ex agris aratoriis penditur ; idem quod Agrarium, vulgo Terrage, champart, olim Arage et Araige. Charta Joan. Trevir. archiep. ann. 1210 :

Molendinum etiam de Sauz et Aragia, quæ idem Herardus habebat in Maunege.

Ubi Chart. Frider. II. hujusce confirmatoria habet Araria. Charta Renaudi episc. Tull. ann. 1211 :

Quicquid possident apud Maunage in servis et ancillis, terris, pratis atque silvis, et Aragia, quæ dictus dominus de Sorceio, Gerardus nomine, habebat ibidem.

Chartul. colleg. S. Gengulfi Tull. ad ann. 1257 :

Ego Symon, dictus dc Chamblez, quicquid habeo et possideo in villa et banno de Manil juxta Andeliers in Aragiis, censibus, annuis redditibus.... ecclesiæ gloriosissimi martyris Gengulphi Tullensis do.

Charta Ancelli dom. de Joinvilla ann. 1324. in Reg. 62. Chartoph. reg. ch. 249 :

Derechief uns Arages seans en ban et ou finage de ladite ville, que on appelle les Arages saint Estienne.

Lit. ann. 1357. tom. 6. Ordinat. reg. Franc. pag. 631. art. 3 :

Devront et paieront lesdiz habitans audit seigneur autant d'Araige comme de denré, de toutes labours de charrues qu'il feront és bans et finage de Boullaumont et de Frebecourt.

Vide notam ibi et Arativum.