![[]](img/image.png)
ARMIGERIUM, idem, opinor, quod Scutagium, seu servitium militare, vel potius
præstatio, quæ fit a militibus ratione feodi militaris. Ut enim Scutiferi pro
Armigeri, ita Armigerium loco Scutagium dici facile potest. Charta
Garcendis Comitissæ pro Basilica de Tomeriis apud Stephanotium in Antiquit. Occitan.
MSS. :
Dono similiter Ecclesiam S. Petri de Fideris cum omni suo Ecclesiastico, cum decimis, primitiis et oblationibus, Armigeriis et rebus aliis, quas prædicta Ecclesia possidere videtur.Vide Scutagium.
P. , 1766.
◊ Haud scio an non rectius
intelligeretur de oblationibus armorum in nobilium funeribus offerri solitorum. Vide supra
Armatus equus.