« »
 
ARTICULUS 1, ARTICULUS 2, ARTICULUS 3, ARTICULUS 4.
[]« 1 articulus » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 411c. http://ducange.enc.sorbonne.fr/ARTICULUS1
1. ARTICULUS, Libellus supplex expostulationis ad judicem, Gall. Requête plaintive, Plainte. Vox fori Ecclesiastici apud Anglos. W. Kennet. Antiquit. Ambrosden. pag. 344 :
Possint eos et eorum successores per omnem censuram Ecclesiasticam ad omnium et singulorum præmissorum observationem absque Articuli seu libelli petitione, et quocumque strepitu judiciali compellere.
P. Carpentier, 1766.
◊ Articuleur dici videtur, qui ejusmodi libellos componebat, in Charta ann. 1403. tom. 2. Hist. Leod. pag. 437 :
Item que semblablement (la taxe pour leurs salaires) soit observeit, tant aux sentenchiers, comme aux Articuleurs, notaires, auditeurs et appariteurs desdites courts.
les Bénédictins de St. Maur, 1733–1736.
Articuli Coronæ, Conclusiones, definitiones Curiæ seu Cameræ Coronatoris. Litteræ Henrici IV. ann. 1409. apud Rymer. tom. 8. pag. 573 :
Et totius Comitatus similiter recordatur quod omnes Episcopi Dunelmenses, a tempore quo non exstat memoria, continue venire solebant, per Ballivos suos obviam præfatis Justiciariis itinerantibus hic, in primo ingressu suo in istum Comitatum ad aliquem prædictorum trium locorum, et ibi petere Articulos Coronæ in forma prædicta.
Vide Coronator et Placita Coronæ.
les Bénédictins de St. Maur, 1733–1736.
Articuli Cleri, apud Anglos, certa sunt statuta de causis personisque Clericorum condita, anno Edwardi II. nono, et Edwardi III. decimo quarto, juxta Th. Blount in Nomolexico ad vocem Articles of Clery.
© École des chartes.
[]« 2 articulus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 411c. http://ducange.enc.sorbonne.fr/ARTICULUS2
2. ARTICULUS. Super Articulos manus prosterni. Leviorum culparum satisfactio apud Monachos. Usus antiqui Ordinis Cisterciensis cap. 68. de Lectore, qui versum dicit pro alio :
Festivis quidem diebus super Articulos manus, privatis vero super genua prosternatur, ponens cucullam sub manibus, se sic inclinans revertatur ad sedem. Similiter super Articulos manuum satisfaciant omnes in loco, in quo sunt, quoties fallaciam in oratorio incurrerint, non divertentes dextrorsum vel sinistrorsum. Pro nota cantus tantum non solemus satisfacere. Humiliare se super genua, vel Articulos,
cap. 70. et paulo ante cap. 75. Vide Institutio [] nes Capituli ejusdem Ordinis ann. 1256. cap. 6. et Hugonem Flaviniacensem pag. 160.
© École des chartes.
[]« 3 articulus » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 412a. http://ducange.enc.sorbonne.fr/ARTICULUS3
3. ARTICULUS, Circulus, in quo scilicet inscriptio monetarum ponitur. Charta pro institutione monetarii ann. 1368. ex Cod. reg. 5187. fol. 74. r° :
Dicto magistro (monetarum) concedimus, quod ipse dictas monetas... possit facere fieri... cum omnibus signis, signaculis seu caracteribus quæ sibi placuerint,... dum tamen in dictis monetis sit scriptum in Articulo : Prima sedes Galliarum.
© École des chartes.
[]« 4 articulus » (par L. Henschel, 1840–1850), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 412a. http://ducange.enc.sorbonne.fr/ARTICULUS4
4. ARTICULUS. Gemma Gemm. : color rhetoricus,.... species numeri, unde Grecista :
Articulus color est, breve membrum, dictio greca,
Articulus, numerus per denos multiplicatus,
Momentum Articulus, pressuraque dicitur esse.
© École des chartes.