AUDIENTIA 1, Glossarium mediae et infimae latinitatis, Du Cange et al.

« 1 audientia » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 469a. http://ducange.enc.sorbonne.fr/AUDIENTIA1

1. AUDIENTIA, Judicium. S. Hilarius in Fragm. pag. 6 :

Quia quanto nos impensiore cura Audientiam quæreremus tanto illi pertinaciore studio Audientiæ contrairent.

Sulpitius Severus lib. 2. Hist. :

Episcopis Audientiam reservare.

Lex Wisigoth. lib. 2. § 2 :

Audientia non tumultu aut clamore turbetur ; sed in parte positis, qui causas non habent, illi soli judicium ingrediantur, quos constat interesse debere.

Lex Burgund. tit. 19. § 1 :

Qui ante Audientiam cujuscumque pignora abstulerit.

Flodoardus 2. lib. Hist. Rem. :

Si quis Episcopus res, quæ ab alia Ecclesia possidentur, quocumque ingenio, aut callida cupiditate pervaserit, aut sine Audientia præsumpserit usurpare.

Gregorius Turon. lib. 10. cap. 19 :

Increpitus cur hominem absque Audientia ab urbe rapi, et in custodiam retrudi præcepisset.

Ratherius Veronensis Epist. 3. :

Cepit me, retrusit in custodiam... ita hæc egit, et sine Audientia.

S. Bern. Epist. ad Episcopos Aquitaniæ :

Quicquid, inquiunt, factum sit, modo quærimus Audientiam ; judicium sumus subire parati.

Vide Concil. Remense ann. 630. cap. 16. Cabilonense cap. 6. Conventum apud Andelaum ann. 587. Edictum Chlotarii II. in Concilio Parisiensi V. can. 3. etc. Passim in Codice Just. et Theodos.

les Bénédictins de St. Maur, 1733–1736.

Audientia Regia. In Collect. Conc. Hispan. tom. 4. pag. 428 :

Præcipimus ut nostri Vicarii et judices ecclesiastici sedulam curam gerant Regiam Audientiam monendi intra id tempus quadraginta dierum.

Ubi per Audientiam Regiam, aut Rex ipse intelligendus videtur, aut ejus consilium, a quo res, de quibus litigatur, judicari solent.

Audientiam Alicujus Appellare, Ad judicium provocare, apud Petr. Cellens. lib. 1. Epist. 16.

Audientiam Principis Appellare

, in Legib. Wisig. lib. 2. tit. 1. § 23. Vide JC.

Audientiam Tenere. Capitulare de Villis cap. 56 :

Ut unusquisque judex in eorum ministerio frequentius Audientias teneat, et justitiam faciat.

AUDIENTES 2. AUDIENTIA © École des chartes.

« 2 audientia » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 469a. http://ducange.enc.sorbonne.fr/AUDIENTIA2

2. AUDIENTIA, controversia, lis. Charta ann. 1021. apud Diagum lib. 2. de Comit Barcinonens. cap. 31 :

Anno Dominicæ trabeationis post millesimum vigesimo primo, orta est Audientia in conspectu Domini Berengarii Marchionis Comitis, etc.

Alia ann. 1024. ex Tabulario Urgellensi apud Cl. V. Stephanum Baluzium in Append. ad Capitul. num. 145 :

Juste debent reverti omnes res, quas Episcopus requirit, unde modo Audientia est, in jus atque dominium Orgellitanæ ecclesiæ, etc.

Infra :

Et cum decimis et primitiis de Castellono suprascripto, unde Audientia nuper a me acta est.

P. Carpentier, 1766.

◊ Charta ann. 1142. inter Privil. Ord. Præmonst. MSS. :

Si forte in aliquibus locis inter aliquos utriusque ordinis (Præmonst. et Cisterc.) aliquid querimoniæ intererit, et inter eos familiariter per aliquos religiosos mediatores componi non poterit, sine majori Audientia differretur, ut ad audientiam alterutriusque generalis capituli referatur.

Ubi altera vox Audientia, auditum vel conventum sonat.

Audientialis Charta, qua quis ad Principis judicium evocatur, citatur, apud Marculfum lib. 1. form. 28.

Audientiale Opus, in Concilio Meldensi can. 77.

1. AUDIENTIA 3. AUDIENTIA © École des chartes.

« 3 audientia » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 469b. http://ducange.enc.sorbonne.fr/AUDIENTIA3

3. AUDIENTIA, pro auditu. Prudentius lib. Peristeph. :

Surdis fruendam reddere Audientiam.

Breviarium Sarisberiense anni 1556 :

Triduo ante Pascha finitis Lectionibus non respondeat Chorus Deo gratias in Audientia, sed statim absque intervallo Responsorium incipiatur.

Ibidem :

Dicat Sacerdos in Audientia, sed sine nota, Orationem, Respice quæsumus.

Ubi in Audientia idem est quod clara voce, quæ possit audiri.

P. Carpentier, 1766.

◊ Charta ann. 1314. ex schedis Præs. de Mazaugues :

Dicens quod ad ejusdem bajuli et procuratoris pervenit Audientiam, quod nos, etc.

Ordinar. S. Petri Aureæ-val. MS. :

In magnis vero dupplicibus, non dicuntur prædicti psalmi (graduales) in Audientia ; sed sub silentio.

Adde Hist. Occit. tom. 2. inter Probat. col. 361. et 511. Cærem. vet. MS. eccl. Carnot. :

Ad Primam... unusquisque stans, secum finiat cetera, non in Audientia.

Id est, ea voce ut non possit audiri. Vide supra Audibilis.

2. AUDIENTIA 4. AUDIENTIA © École des chartes.

« 4 audientia » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 469b. http://ducange.enc.sorbonne.fr/AUDIENTIA4

4. AUDIENTIA, Conventus, consessus, Gall. Assemblée, Auditoire. Henricus Huntindonensis in Epistola de contemptu mundi ann. 1153. Spicil. Acher. tom. 8. pag. 179 :

Vir tamen effectus narrationem audivi de turpissimis omnino conviciis ad eum dictis, quæ si mihi nihil habenti in tanta Audientia dicta fuissent, semimortuum me ducerem.

P. Carpentier, 1766.

◊ Charta ann. 1311. ex Tabul. Massil. :

Facta relatione in Audientia plana consilii dictæ civitatis, etc.

Pluries occurrit ibidem.

P. Carpentier, 1766.

In Audientia, pro Publice, in Charta communiæ Abbavil. ann. 1184. tom. 4. Ordinat. reg. Franc. pag. 56. art. 11 :

Qui vero inhonestum de communia dixerit in Audiencia, et convinci poterit testibus, judicio scabinorum emendabit.

Infra vero pag. 58. Audientia, idem est quod Conventus.

3. AUDIENTIA 5. AUDIENTIA © École des chartes.

« 5 audientia » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 469b. http://ducange.enc.sorbonne.fr/AUDIENTIA5

5. AUDIENTIA, Licet aliter capiatur, proprie tamen magis dicitur esse facultas et potestas loquendi coram superiore alicui concessa. Ita vet. Vocabularium Juris utriusque. Hac notione dicimus, Avoir une audience du Roi, ad Regem admitti.

4. AUDIENTIA 6. AUDIENTIA © École des chartes.

« 6 audientia » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 469b. http://ducange.enc.sorbonne.fr/AUDIENTIA6

6. AUDIENTIA, Obedientia. Electio Hugonis in Abbatem S. Rigaldi apud Mabill. tom. 5. Annal. Benedict. pag. 629. col. 2 :

Optantes nobis eum præesse et prodesse ; simulque promittentes ei Audientiam juxta B. Benedicti patris nostri institutionem.

5. AUDIENTIA 7. AUDIENTIA © École des chartes.

« 7 audientia » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 469c. http://ducange.enc.sorbonne.fr/AUDIENTIA7

7. AUDIENTIA. Tributum. vel tributi species. Charta Petri Episcopi Salernitani, apud Ughellum tom. 1. Italiæ Sacræ pag. 501 :

Et si nos aut nostris successoribus quamcumque conditionem, aut Audientiam, aut quemcumque censum vel servitium imponere voluerimus, etc.

Alia anni 1208. in Tabulario Fossatensi fol. 23 :

Telonium, foragium, toragium, Audientias, haias, saccum, vannum, etc.

Alia Petri Episcopi Parisiensis ann. 1212. ibid. fol. 30 :

Super pastu et Audientiis, etc.

Alia ann. 1238. ex eod. Tabul. fol. 111 :

Quittamus eisdem hospitibus... duos denarios de Audientiis, quos in festo B. Mauri nobis debebant, etc.

Rursum :

Audientiæ de Varennis ibidem recipiendæ in festo B. Andreæ Apostoli 26. sol. 6. den. et recipiuntur istæ Audientiæ ratione domorum ibi existentium, videlicet pro qualibet domo 4. den. Paris. etc.

Id porro nominis præsertim apud Aurelianenses obtinuit. Charta Ludov. VII. Reg. Franc. ann. 1178. pro Aurelianensibus, in Regesto Philippi Aug. fol. 72. et apud Franc. le Maire in Hist. Aurelianensi pag. 323 :

Nullus homo societatem habens cum homine de Audientiis totam reddat consuetudinem, sed eam tantum partem, quæ ipsum contigerit.

Ubi Audientia redditur a prædicto Scriptore Oüance, qui addit id vocabuli bannitiones et proclamationes denotare, quæ fiebant pro jure consuetudinum seu pensitationum, in Hallis publicis, ubi ministri audientiales, quos Sergeans Audienciers appellabant, quoslibet banno publico invitabant ad solutionem ejusmodi præstationum, quod in hunc modum concipiebatur :

Entre vous Bourgeois Marchans,
Qui voulez jouir des Ouances,
Venez suivant les Ordonnances,
Pair le droit des Ouances. Aux Halles.

◊ Quo in Hallarum loco iis, qui ejusmodi consuetudines seu præstationes quotannis exsolvebant, a Domanii Exactore vel Receptore dabatur carnis porcinæ fragmentum : erat autem jus audientiarum unius trezeni. Occurrit etiam vox Oyance, Charta ann. 1286. in Tabulario Abbatiæ S. Dionysii :

Vente d'heritages chargez entre autres choses d'une geline, 4. deniers d'Oyance, une maille de Hayes à Noël.

Charta alia ann. 1295. ibid. :

Vente par Marguerite la Gaianne de Champigny aux Religieux, d'une mazure chargée de diverses prestations, d'une corvée aux fenaisons aux Seigneurs de Champigny, et en 2. deniers d'Oyances, payable chacun à la Saint-Denys.

◊ Ex prædictis vocabuli vis non omnino percipitur : nec scio, an Audientiæ voce olim intellectæ sint præstationes illæ, quæ ab iis, qui ad placita convenire tenebantur, fiebant, quas Eulogiarum nomenclatura donat Polyptycus Floriacensis :

Si ibi sunt Cavaticarii, debent Kalend. Octob. den. 4. et unam diem in banno, et ad 3. Audientias venire cum suis Eulogiis.

les Bénédictins de St. Maur, 1733–1736.

◊ Audientiam aliquando saltem usurpatam fuisse pro Tallia ad placitum invicte probat Charta Thomæ Abbatis S. Germani a Pratis ann. 1250. ex ejusdem Monast. Tabulario :

Notum facimus, quod cum Ecclesia nostra fuisset in possessione... levandi et capiendi Talliam nomine Audientiarum annis singulis ad placitum ab Ermardi, Avelina, etc. Nos vero eorum precibus inclinati prædictas talliam annuam et Audientias dictis hominibus quittavimus... salvo nobis et Ecclesiæ nostræ, quod eo anno, quo dominus Rex a nobis solidos suos levabit, talliam a dictis hominibus levare poterimus.

◊ Jam vero Ministri isti Audientiales, Abscultatores videntur appellari in Charta Philippi Augusti ann. 1187. pro Aurelianensibus, in ejus Regesto Herouvalliano fol. 103 :

Idem tenendum esse præcipimus, ut Præpositus noster per aliquem de Servientibus suis de domo et mensa sua, qui Bedelli et Abscultatores appellantur, circa burgensem aliquem nihil omnino disrationare possint.

« 8 audientia » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 470a. http://ducange.enc.sorbonne.fr/AUDIENTIA8

8. AUDIENTIA, Locus ubi de rebus suis tractaturi congregantur. Lit. ann. 1365. tom. 4. Ordinat. reg. Franc. pag. 554. art. 3 :

Anno quolibet, fiet una missa solemnis in ecclesia Celestinorum Parisiis,... et quolibet mense percipiunt in Audientia unam bursam.

Sic et Audience de France appellatur locus, ubi diplomata regia seu literæ, quæ sigillo regio communiri debent, obsignantur. Lit. ann. 1400. tom. 8. earumd. Ordinat. pag. 396 :

L'en paie six solz Parisis pour nous, pour le droit de nostre Audience.

« 9 audientia » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 470a. http://ducange.enc.sorbonne.fr/AUDIENTIA9

9. AUDIENTIA, Domus, vel cubiculum in monasteriis, ubi excipiuntur advenientes, vulgo Parloir. Stat. S. Vict. Paris. MSS. part. 2. cap. 2 :

Sciendum est quod novitius usque ad annum foris cum nullo, nisi in Audientia loqui debet.

Vide Auditorium 3.

« Dictio » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 104b. http://ducange.enc.sorbonne.fr/DICTIO3

DICTIO-Audientia, Obsequium, obedientia. S. Irenæus lib. 4. cap. 79 :

Secundum Dicto-Andientiam non omnes Dei filii sunt.

Sic Plautus et Cicero dixerunt, Audiens Dicto vel edicto, pro eo qui obedit dicto seu edicto.