AVARIA, Glossarium mediae et infimae latinitatis, Du Cange et al.

« Avaria » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 463b. http://ducange.enc.sorbonne.fr/AVARIA

AVARIA, Facultates, bona. Pro Avariis colligere, hoc est, secundum uniuscujusque

facultates et bona. Jacobi Auriæ Annal. Genuen. lib. 10. ad ann. 1285. apud Murat. tom. 6. col. 589 :

Eodem etiam anno armatæ sunt in Janua pro Communi de pecunia pro Avariis collecta galeæ v. et unus gaionus.

Occurrit iterum col. 592. Vide Averium.

P. Carpentier, 1766.

◊ Avaria, apud Genuenses, non facultates seu bona appellantur, ut dictum est supra, quasi ab Averium deducenda sit hæc vox ; sed tributa seu contributiones, quæ Avariis seu damnis reparandis extraordinariisve sumptibus providendis exiguntur, ut perspicuum est ex sequentibus. Pactum inter Reg. et Genuenses ann. 2396. in Reg. 151. Chartoph. reg. ch. 35 :

Non imponet (rex) nec imponi faciet, per se vel per alios, aliquam collectam, dacitam seu Avariam realem, vel personalem seu mixtam.

Annal. Genuens. ad ann. 1413. apud eumd. Murator. tom. 17. Script. Ital. col. 125 :

Dicitur etiam quod honoribus et beneficiis ejus urbis gaudere Guelphi habent, secundum ipsarum personarum numerum, et illud quod in publicis solutionibus, quæ Avariæ dicuntur, expendunt.

Stat. Genuens. lib. 4. cap. 93. pag. 144. v° :

Statuimus et ordinamus, quod nemo possit esse sensarius,... qui cum familia non habitaverit, et Avarias non supportaverit in civitate Januæ annis decem ad minus.

P. Carpentier, 1766.

Avaria, Jactus mercium qui navis levandæ causa fit simulque jacturæ computatio. Ital. Avaria, Gall. Avarie ; a Gr. ἄϐαρος, exoneratio, ut vult Brencman. in Hist. Pandect. Dissert. 1. de Rep. Amalph. pag. 19. Vox Avaria seu Havaria, Germ. Haferey, non a Græco deducenda est, ut vult Brencmannus, sed a Germ. Hafen, Gall. Havre, Portus. Adel. Stat. Genuens. lib. 1. cap. 11 :

Quotiescumque patronus, magister seu præfectus navigii, aut alius ad quem de jure pectet, petierit fieri calculum de jactu seu Avaria contra mercatores seu dominos bonorum in navi oneratorum, seu contra assecurtores (l. assecuratores), magistratus calculatorum intelligat partes, examinari faciat testes, etc.

Adde lib. 2. cap. 4. pag. 78. Sed et pro quovis damno extraordinariove sumptu interdum usurpatur, ut in Stat. Massil. lib. 1. cap. 47. Consule Diction. Commer. voce Avaries.