1. BADERIUS, Apparitor, idem qui supra Badellus : item, Fructuum et messium custos, Gal Sergent messier. Libert. villæ novæ de Coynau ann. 1312. tom. 8. Ordinat. reg. Franc. pag. 110. art. 27 :

Statuimus et ordinamus, quod Baderius seu maynerius curiæ dicti loci... non levet nec levare debeat de labore suo, de aliquo gagiamento,... nisi duntaxat duos denarios Viennenses.

Libert. novæ bastidæ de Avoy ann. 1308. in Reg. 40. Chartoph. reg. ch. 62 :

Item dicti consules habebunt potestatem eligendi annis singulis Baderios sive messegerios, homines bonæ famæ, ad custodienda blada, vineas, etc. Banderius vero in facto banni credetur suo juramento, quantum ad pœnam levandam.

Vide supra Baderia et Messegaria.