BARCA, Glossarium mediae et infimae latinitatis, Du Cange et al.

BARCA, Isidoro lib. 19. Orig. cap. 1. est quæ cuncta navis commercia ad littus portat. Mox addit :

Hanc navis in pelago propter nimias undas suo suscipit gremio : ubi autem appropinquaverit portui, reddit vicem Barca navi, quam accepit in pelago.

Vide Forcellin. hac voce. Not. Tiron. :

Barca, Barcula, Barcella.

Papias : Barca a bajulando dicta, quæ cuncta commercia majoris navis ad littus portat. Ugutio : Barca, navis mercatorum, et quæ merces exportat. Gloss. Sax. Ælfrici : Barca flot scip, id est, fluctus navis. Vide Bosworthi Lexic. Anglosaxon. 26. g. Anglice A floatship. Paulinus Poem. 13 :

Ut mea salubri Barca perfugio foret,

Puppis superstes obrutæ.

Idem paulo ante scapham sequacem vocat. Abbo lib. 1. de Bello Parisiaco :

Quamplures numero naves numerante carentes

Extat, eas moris vulgo Barcas nominare.

Et lib. 2 :

... Barcas per flumina raptant.

Idem :

... Barcas agitantque per omnes

Gallia queis amnes fruitur.

Althelmus de 8. vitiis :

Anchora fluctivagam nunc sistat anchora Barcham.

Capitulare Sicardi Principis Beneventani ann. 836. cap. 13 :

Barcas enim quæ ibidem ad oram advenerint, vel pro tempestate subduxerint ; aut applicaverint per totam istam plagiam, etc.

Occurrit præterea apud Metellum in Quirinal. pag. 79. Arnoldum Lubec. lib. 2. cap. 8. Alcuinum Poem. 3. in Actis S. Thyrsi ex MS. Tolos. num. 34. in Passione SS. Hilariæ, Dignæ, etc. apud Velserum, in libro Miracul. S. Wulfranni Episc. n. 8. apud Monachum Florentinum de Expugnata Accone pag. 229. etc. Vide infra Barga. Gallis olim Bargotte. Guillelmus Guiart in Hist. :

Li Rois est en une Bargotte,

Nul pointet ne se deconforte,

Le Cardinal devant lui porte

De la vraye Croix la semblance,

Un autre vaissel les devance.

Vocem a Βάρις voce Græca, quæ genus ædificii rotundi, ut est turris, sonat, accersit Salmasius in Kercoetium, Jul. Scaliger Exercit. 51. in Cardanum, a Βάρος, ab oneribus gerendis : alii a Barca urbe Africæ. Rodericus Toletanus lib. 1. de Rebus Hispan. cap. 5. a Barca, Barcinonem, celeberrimam Hispaniæ

urbem nominatam auctor est. Βάρϰαν, dixere etiam Scriptores Græci recentiores aliquot, Βάλϰαν Nicetas in Alexio lib. 1. num. 7. et Harmenopulus lib. 2. tit 11. § 9. Vide Glossar. med. Græcit. Raynouard. Glossar. Roman. vol. 1. pag. 186. et Diezii Grammat. Roman. pag. 26.

les Bénédictins de St. Maur, 1733–1736.

Barcha, Annal. Vedastini ap. Pertz. vol. Script. 1. pag. 530. lin. 13. in Statutis Massil. pag. 437 :

Ordinamus quod nulla navis vel lignum caupulusve, vel Barcha aliqua teneatur deinceps plena aqua in aliqua parte portus Massiliæ.

Chart. ann. 1246. ap. Jalium Antiq. Naval. vol. 2. pag. 393 :

Spazina una nova pro Barcha cantherii, scandalio uno furnito ; Barcha una de canterio dicte navis cum remis 52. spaca et una, et cum sarcia sua necessaria ipsi Barche. ....... Barcha una de parescalmo dicte navis cum remis 32. arganello uno, spaca una et rampegolo uno ; Barcha alia de parescalmo dicte navis cum remis 34. et spaca una.

Vide Jalium pag. 406. 407. Barcha duorum thimonorum, vide infra in Tarrita.

les Bénédictins de St. Maur, 1733–1736.

Barka, in Chron. Corn. Zantfliet apud Marten. tom. 5. Ampliss. Collect. col. 71 :

Verum Fratres de Accon cum Barka venerunt, etc.

les Bénédictins de St. Maur, 1733–1736.

Barchia, Idem quod Barca. Arrestum Comitatus Massil. :

Quantum ad bladum Barchiarum quod ipsi teneant cavalletum per totam diem.

Barcia. Historia Fundat. Monasterii S. Vincentii ad Lisbonam. :

Habuitque in Comitatu suo electam virorum fortium manum.... in 160. navibus, quas Barcias nominamus.

Barcella, quæ alias Navicula dicitur, vas Ecclesiæ, in qua thus reponitur ad incensum, Acerra. Charta ann. 1197. apud Ughellum tom. 7. Ital. sacr. pag. 1274 :

Barcellam unam æneam et superauratam pro incenso immittendo, etc.

Barketta, Minor barca, seu navicula, apud Petrum de Vineis lib. 2. Ep. 36. lib. 5. Ep. 78.

les Bénédictins de St. Maur, 1733–1736.

Barchetta, Eadem notione. Bartholomæi Scribæ Annal. Genuen. lib. 6. ad ann. 1226. apud Murator. tom. 6. col. 444 :

Quare prædictus Potestas galeas quatuor et duas sagitteas et bucium magnum et Barchettas et alia ligna armavit.

Vide Barchalina.

Barcare, Navim inscendere, vela facere, Gall. s'Embarquer. Chronicon Anonymi Barensis ann. 1025 :

Bugiano cum Barenses Barcavit Messinum.

Ann. 1038 :

Descendit Michail Patricio,..... et Barcavit cum Maniaki in Sicilia.

Ann. 1060 :

Et Robertus Dux Barcavit Sicilia.

Barcarius, qui barcas facit, vel ducit, Ugutioni et Joanni de Janua. Barcarii, in Notitia Imperii, a Barca dicti, ut censet Guichenonus in Historia Sabaud. pag. 8. Præfectus classi Barcariorum Ebreduni Sabaudiæ, id est, remigum. Gemma Gemmar. :

Barcharius, qui Barcha utitur aut eam facit.

P. Carpentier, 1766.

Barcagium, Hispan. Barcage, quod pro Barca transvectoria exigitur. Charta ann. 1343. in Reg. 74. Chartoph. reg. ch. 514 :

Cum vectigalibus, Barcagiis, aspagiis, costumis, etc.

Vide infra Barchatinus.

P. Carpentier, 1766.

Barcata, Onus barcæ, Hispan. Barcada, Gall. La charge d'une barque. Charta Joan. regin. comit. Provinc. ann. 1379. ex Cam. Comput. Aquens. :

Quod pro qualibet Barcata annonæ, necnon et alterius bladi, et pro qualibet Barcata rusquæ, quæ extrahebantur de Provincia, et ibant ad alias partes maritimas, solvebantur et consuetum erat solvi pro qualibet Barcata quinque solidi monetæ currentis..