BAROARIUS, Barroarius, Accensus, apparitor, Italis Berrouiere. Stat. Mutin. rubr. 385. pag. 82. r°. :

Ad reprimendam immensam temeritatem et audaciam Baroariorum communis Mutinæ, qui multodies mittebantur ubi non erat necesse,... providerant quod de cætero nullus Baroarius mittatur ad aliquem pignorandum per aliquem officialem communis Mutinæ, nec aliquis alius stipendiarius ; .... quod locum non habeat in reditibus et gabelis, et in condemnationibus communis Mutinæ.... .... Et si alius Baroarius vel stipendiarius mitteretur ad aliquem pignorandum, ad petitionem alicujus vel sine petitione alicujus, ex præcepto alicujus officialis, quod tunc dicto Baroario sive Baroariis solvatur eodem modo merces, quo solveretur et solvi deberet secundum formam statutorum communis Mutinæ nuntio, qui mitteretur cum eo ;.... nec aliquis Baroarius possit mitti sine nuntio et sine præcepto pignorandi vel detinendi, quod appareat per scripturam alicujus officialis. Barroarii,

in Stat. crimin. Riperiæ cap. 6. et 19. Vide Berroerii.