« »
 
BASTA 1, BASTUM 1, BASTUM 2, BASTUM 3.
[]« 1 basta » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 595b. http://ducange.enc.sorbonne.fr/BASTA1
1. BASTA, Bastum, Clitellæ, Gallis Bast, Italis Basto. Gloss. vetus : Sagma, sella quam vulgus Bastum vocat, super quo componuntur sarcinæ. Gaufredus in Chronico Vosiensi cap. 3 :
Asinum stravit, et, ut rustice loquar, superposuit Bastas, in quarum una lipsanum Sancti posuit, in alia Gausbertum puerum suum recondidit.
Hic intellige non clitellas, sed canistra e clitellis pendentia, a Græco βαστός, Fustis quo onera portantur : unde βαστάζειν, pro ferre et portare, deducit Salmasius. Alii vocem effictam ex βασταγή, de qua mox, putant. Vide Raynouard. Glossar. Roman. vol. 1. pag. 192. voce Bast.
P. Carpentier, 1766.
◊ Olim etiam Bastays. Lit. remiss. ann. 1459. in Reg. 188. Chartoph. reg. ch. 200 :
Le suppliant lui avoit bien dit qu'il lui tourneroit ladite selle comme un Bastays.
Fictitia est originatio a voce Græca Βαστός, quam finxisse Salmasium auctor est vir erudit. D. Falconet.
Basturæ Asinorum, in Charta Guillelmi Episcopi Carnotensis ann. 1166. in Histor. Perticensi pag. 195. Hinc Bastage, βασταγή, in Consuetud. Aquensi tit. 12. art. 5. 6. S. Severi tit. 10. art. 5. 6. pro pensitatione quæ domino præstatur pro equo clitellato, seu clitellis instructo.
les Bénédictins de St. Maur, 1733–1736.
Bastatus, Clitellis instructus. Acta SS. Maii tom. 4. pag. 604. C :
Equo Bastato positus, etc. Salma Bastata
in voce Quartagium.
© École des chartes.
[]« 1 bastum » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 600c. http://ducange.enc.sorbonne.fr/BASTUM1
1. BASTUM, Clitellæ, Sagma, Gall. [] Bast. Vetus Lexicon a Salmatio laudatum :
Sagma, sella, quam vulgus Bastum vocat, super quo componuntur sarcinæ : clitellas alii vocant.
Vocem effictam putat idem Salmasius ex ἀνάϐαστος, fustis aut pertica qua onera portabantur. Charta ann. 1294. ex Archivis S. Victoris Massil. :
Quædam sauma vendita cum Basto suo et ornamentis.
Hist. Dalphin. tom. 1. pag. 78 :
Cum asino suo, Basto et barralibus.
Pag. 82. col. 2. Animalia tetentes ad Bastum. Ibidem pag. 217. col. 1 :
Ab animali vero vacuo et non onerato cum Basto seu clitella, duos denarios.
Et pag. 90. in Charta Gallice scripta ann. 1445 :
Tant sur bestes à Bast, que avec chevaulx menans ledit sel sur char et charettes, etc.
Vide Basta.
les Bénédictins de St. Maur, 1733–1736.
Bastura, Eadem notione. Vide in Basta.
les Bénédictins de St. Maur, 1733–1736.
Bastus, Eadem significatione. Hist. Dalphin. tom. 2. pag. 176. col. 2 :
Lectos et alia, coffros, Bastos et malas, etc.
© École des chartes.
[]« 2 bastum » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 601a. http://ducange.enc.sorbonne.fr/BASTUM2
2. BASTUM, pro Vastum, Depopulatio, vastatio, Gall. Degat. Charta Henrici II. Regis Angliæ et Normanniæ Ducis circiter ann. 1155. apud D. Brussel de Usu feud. tom. 2. pag. 11 :
Et si nos dederimus alicui custodiam alicujus terræ, et ille inde destructionem fecerit, vel Bastum, amittat custodiam.
Ibidem non semel occurrit. Vide Vastum.
© École des chartes.
[]« 3 bastum » (par L. Henschel, 1840–1850), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 601a. http://ducange.enc.sorbonne.fr/BASTUM3
3. BASTUM, Liber. Chart. Margar. Comit. Flandr. ann. 1252. ap. Lappenb. in Docum. Init. Hanseat. pag. 63 :
Centenum cordarum de Basto 4. den.
Germ. Bast.
© École des chartes.