BIFANG, Bifangum, Ambitus, septum. Traditiones Fuld. lib. 1. pag. 455 :

Præter unam arialem, et 1. huobam, et unum ambitum, quem nos Bifang appellamus.

Et lib. 2. trad. 43 :

Extra illum cœptum, id est, Bifang.

Præceptum Lotharii Regis ann. 856. apud Martenium Ampliss. Collect. tom. 1. col. 146. D :

Necnon et mancipia utriusque sexus idem pertinentia (trado,) necnon et Bifangum, qui vocatur Abuchescheit et Astarnascheit, etc.

Ibidem col. 178. A. in altero ejusdem Lotharii Præcepto :

In commarca ipsius villæ Bifangum unum, ubi possint ædificare mansa centum.

Vide Bivank, Bivangium, Captura et Comprehensio. Charta ann. 881. apud Kindlingerum, Gesch. der deutschen Horigkeit, num. 1. lit. c :

Bifangum unum ad 36. jurnales.

Ibidem lit. a. et b. Confer Mittermaieri Princip. Jur. Germ. § 81. not. 10. Grimm. Antiq. Jur. pag. 538. Bifahan, est Capere, cingere, ambire, secundum Graffium Thes. Ling. Franc. vol. 3. col. 403.