11. BREVIA, Characteres magici in Brevibus descripti, quos secum deferre solent, qui iis utuntur. Gloss. Græc. Lat. : φυλαϰτήριον, Servatorium, Amolimentum, Amoletum, Brevia perperam præmia in Edit. Capitula Herardi Archiepisc. Turon. cap. 3 :

De maleficis, incantatoribus, et Brevibus pro frigoribus, etc.

Id est, pro curandis febribus, cujusmodi passim describit Marcellus Empiricus et Myrepsus sect. 37. cap. 66. 67. 97. Statuta MSS. Augerii Episc. Conseran. sæculo 13. edita :

Nemo in herbarum collocationibus carmina, incantationes, aut alias observationes, præter Dominicam Orationem et symbolum adhibeat : nec in Brevibus suspendendis vel ligandis aliquid præter illa scribat.

Concil. Trevir. ann. 1310. apud Marten. tom. 4. Anecd. col. 257 :

Divinationes, sortilegia, auguria.... sive in votis quas Brevia seu caracteres vocant.

Usatica MSS. urbis Ambian. de Monomachia decertantibus :

Il doivent jurer k'il n'ont herbes, ne Brief, ne caraudes seur aus, ne fait sor, ne sorcherie, ne art, ne caraude.

Libellus Catalanicus MS. de Batallia facienda :

Ne fer metzines, ne conjurations, ne posar Breus, ne altres coses, per que neguns des bataylers fos embergat de son dret à menaro defendre.

Infra :

Ne y mettre armes que aien vertut, ne nomina, ne pera preciosa, ne Breu, ne portare sucre candi, etc.

Vide Character, Ligatura, et Phylacterium. Conf. Grimmii Mythol. Germ. pag. 630. Gloss. Bibl. sec. XI. ap. Graff. in Thes. Ling. Franc. vol. 3. col. 302 :

Brieuelvi, philacteria.