« »
 
BUCCULA 1, BUCCULA 2, BUCCULA 3, BUCULA 1, BUCULA 2, BUCULA 3.
[]« 1 buccula » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 766c. http://ducange.enc.sorbonne.fr/BUCCULA1
1. BUCCULA, pro pusilla bucca, osculo, labellis, usurpasse Suetonium et Apuleium pridem observatum : et in Architectura apud Vitruvium, quid eadem vox sonet, docuere pariter Bernardinus Ubaldus, Philander, et alii. At Buccula, seu Bucula, qualis fuerit armorum species apud cæteros Scriptores, non omnino planum ac exploratum, tametsi plerique in eam iere sententiam, post Turnebum lib. 9. Adversar. cap. 16. ut existimarent esse cassidis partem, quæ demissa Buccam tegit. Sed procul a vero, nisi ipse fallar, aberrant : nihil enim aliud est Buccula, quam umbo clypei, seu scuti pars eminentior, et media. Glossæ Isidori : Angia, ferrum Buculæ scuti. Eædem : Ancile, scuti Bucula. Gloss. Lat. Græc. : Buccula, παράγναθος, ὀμφάλός. Glossæ Græc. Lat. : Ὀμφαλὸς ἀσπίδος, Ummo, seu Umbo. Ugutio : Buccula, umbo scuti. Porro ut Latinis Scriptoribus Umbo, pro ipso clypeo usurpatur, ut apud Statium :
Jam clypeus clypeo, umbone repellitur umbo ;
ita et Buccula, apud Livium :
Galeas Bucculasque tegere.
Sed præ cæteris id firmat Juvenalis Sat. 10. vers. 133. ubi trophæi apparatum describit : []
Bellorum exuviæ, truncis affixa tropæis
Lorica, et fracta de casside Buccula pendens,
Et curtum temone jugum, victæque triremis
Aplustre, et summo tristis captivus in arcu.
Nam inter
spolia, quæ tropeis solent affigi, bello erepta
, ut est apud Scholiastem, clypeus recenseri debuit, uti passim vetera monumenta et numismata satis convincunt, in quibus tropæa efficta conspiciuntur, ubi et scuta ac clypei a cassidibus dependent, vel certe iis subesse solent. Non igitur mirum, Bucculas a cassidibus non semel distingui, ut diversas, in leg. 1. Cod. Th. de Fabricens. (10, 22.) :
Octo apud Antiochiam cassides, totidemque Bucculas, etc.
Frustra enim totidem adjiceretur, si Buccula pars fuisset cassidis. Neque aliter usurpat Capitolinus in Maximino juniore :
Fecit et spathas argenteas, fecit et aureas, fecit et galeas gemmatas, fecit et Bucculas,
id est, clypeos. Proinde Buccularum structores, apud Paternum in l. ult. D. de Jure immun. (50, 6, 6.) sunt clypeorum confectores. Vide Forcellin. qui utramque significationem admittit. Gloss. med. Græcit. voce Βούϰολον, col. 215.
◊ Sed et Bucculam, pro ipso umbone clypei usurpavere Scriptores inferioris ævi, atque in iis Aimoinus lib. 4. de Miracul. S. Benedicti cap. 11 :
Buculam Clypei, quo suus tegebatur adversarius, fortiter perculit, quæ claviculis, quibus affixa tenebatur, avulsis, longius resiluit, moxque manus adversarii nuda apparuit : quippe foramen in clypeo fuerat, quod Bucula protegebat, deintus semipedali affixa ligno : quo manu retento, gravem ille Roberti adversarius verteret clypeum.
Quin etiam nostri eam scuti partem Boucle vocabant. Le Roman de Garin MS :
De soil escu qui est peint à azur bis,
Desoz la Boucle li a fret et maumis.
Alibi :
Rois Amadas vet ferir un Gascons,
Desos la Bocle li perça le blaçons.
Hic enim blaçon et blazon idem valet quod scutum, vox fecialibus nostris hac notione familiaris. MS :
Froissent ces hiaumes, depieçent li blason.
Infra :
Y vait, feri Guintran devant sor le Blason.
Chronicon Bertr. Guesclini MS :
Les lances en leur poins, et au col le Blazon.
Cum vero hac parte aversa clypeus brachio militis innecteretur, inde quibusvis fibulis, Boucle nomen mansit. Sed et etiam ab hac clypei parte, toti clypeo, Bouclier apud nos appellatio indita. Aresta Pentec. ann. 1288. in Reg. B. fol. 79 :
Ordinatum fuit in præsenti Parlamento, quod nullus portaret Parisius cultellum ad cuspidem, nec Boclerium, nec ensem, etc. Buccula
porro, umbo clypei appellatur, quia in umbone effingebatur ut plurimum vultus, aut faciesss vel virr, vel animantis, cujus Bucula, seu os, medium obtinebat, uti passim vetera monumenta repræsentant.
P. Carpentier, 1766.
◊ Hinc nostris Boce et Bosse nuncupata. Lit. remiss. ann. 1364. in Reg. 98. Chartoph. reg. ch. 20 :
Ledit Jehan fu feru de la Boce d'un bouglier, ou d'autre chose, dont il se senti bien grevé.
Aliæ ann. 1382. in Reg. 120. ch. 203 :
Donna l'exposant audit Morelet un cop de la Bosse de son Bouclier en la poitrine, et lui osta s'espée qu'il tenoit toute nue.
Quibus[] certe rursum firmatur Cangii de hac scuti parte sententia. Unde scutum clavatum, quod clavi instar esset ejusmodi umbo, in Poem. Rob. Diaboli MS. :
Ses escus qui bien est Clavés,
Ne fust il mie mieulx froés,
Ne ses ielmes mieulx détrenchiés,
Se il eust esté drechiés
Sour peulx agus et sor estaces
Pour assaier grans colz de haces.
© École des chartes.
[]« 2 buccula » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 767b. http://ducange.enc.sorbonne.fr/BUCCULA2
2. BUCCULA, pro Buccina, in Carmine de varia fortuna Ernesti Bavariæ Ducis apud Marten. Anecdot. tom. 3. col. 321 :
Haud mora concutitur lituis clangentibus aer,
Raucaque terrificos emugit Buccula cantus.
© École des chartes.
[]« 3 buccula » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 767b. http://ducange.enc.sorbonne.fr/BUCCULA3
3. BUCCULA, Fibula, Gall. Boucle. Judic. ann. 1304. in Reg. Olim parlam. Paris. fol. 64 :
Licet sellarii sui officii ratione.... non possint..... Bucculas, mordacia.... facere, etc.
Nostris Blouquete, dimin. a Gall. Boucle, minor fibula. Le Riche homme et le Ladre MS :
Et si ont les longues cornetes,
Et leurs solers fais à Blouquetes ;
Par devant les font détrenchier ;
Mais il vausissent mius entier.
© École des chartes.
[]« 1 bucula » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 768c. http://ducange.enc.sorbonne.fr/BUCULA1
1. BUCULA, Umbo. Vide Buccula.
© École des chartes.
[]« 2 bucula » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 768c. http://ducange.enc.sorbonne.fr/BUCULA2
2. BUCULA, Pascua. Gloss. Isid. f. Buculta, inquit Barthius Adversar. 14. 8.
© École des chartes.
[]« 3 bucula » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 768c. http://ducange.enc.sorbonne.fr/BUCULA3
3. BUCULA, Corveiæ species cum pari boum. Codex MS. Irminonis Abb. Sangerm. fol. 53. Br. 9. cap. 244. Guerard. pag. 108. :
Winegaudus... habet de terra arabili bunnaria iii... et facit inde Buculas.
Ibidem :
Habentem de terra arabili bun. iii. et facit inde Buculas.
Mallem, verba sunt Guerardi, intelligi de fibula, boucle, vel de umbone clypei, sive de clypeo. Certe in locis compluribus Polyptychi armorum fabricatio colonis pro censu indicitur ; conf. 9, 150. pag. 97. 13, 102. pag. 149. etc.
© École des chartes.