« »
 
[]« Burgagium » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 782a. http://ducange.enc.sorbonne.fr/BURGAGIUM
BURGAGIUM, Certum et annuum vectigal,[] quod Burgensis, aut burgi incola, pro domiciliis suis seu tenementis, quæ in burgo possidet, burgi domino præstat. Littleton sect. 162 :
Tenure en Burgage est lou antiennement Burgh est, de que le Roy est Seignior, et ceux, que ont tenements deins le Bourg, teignont del Roy lour tenemens, que chacun tenant pur son tenement doit paier al Roy un certain rent par an. Et mesme le manner est lou un autre Seigniour espiritual ou temporall est Seignior de tel Burgh, et les tenans de tenements en tiel Burgh, teignont de lour Seignior à paier chacun de eux un annual rent.
Leges Burgorum Scoticorum cap. 1 :
Quilibet Burgensis debet Domino Regi de Burgagio, quod defendit, pro particata terræ 5. denarios annuatim.
Vide tom. 2. Monastici Anglic. pag. 332. Madox Formulare Anglic. pag. 50. Kennetti Glossarium ad calcem Antiquit. Ambrosden. Chartular. S. Vandregesili tom. 1. pag. 409.
◊ Ejusmodi vero tenetura, ut vocant, tenure en socage, dicitur etiam eidem Littletoni. In Scacario S. Michael. ann. 1219. in Regesto Joannis de S. Justo Cameræ Computor. Parisiens. hæc habentur :
Accordatum est per Episcopos et Barones, quod si aliquis coronam habens vel habitum Clericalem, duxerit uxorem de feodo laico, quem tenet, faciat domino Regi et dominis aliis, quem feodum debet, et de Burgagio hoc, quod alii Burgenses faciunt, et in Burgagio fiet justitia, et in feodo laico pro omni eo, quod debent super omnia catalla, quæ ibi invenientur. Si vero postquam uxorem duxerit, coronam acceperit, et habitum Clerici, de Burgagio et feodo faciet tanquam laicus homo, et ad modum tractabitur.
Varias de Burgagiis leges proponunt Leges Burgorum Scotic. cap. 13. 17. 44. Charta Libertat. Angl. (cui concinit Regiam Majestatem lib. 2. cap. 44. § 4.) Consuetudines Municipales Normanniæ art. 103. 138. Vinemacens. art. 1. Insulensis art. 58. Seclinensis, et Guillelm. Prynneus in Libertatib. Angl. tom. 3. pag. 437. etc. Consule, si lubet, quæ de burgagiis prolixiori commentario diximus ad Cinnamum pag. 487. et seqq. Addo tantum, ut bonorum Curialium possessores et hæredes, vel donatarios, non ideo ad Curiam vocatos, ex leg. 107. Cod. Th. de Decurion. (12, 1.) ita burgagiorum possessores ac hæredes, qui nobiles essent, non ideo in ignobilium sortem descendisse. Burgagium idem esse videtur ac Burgensalicum, Prædium scilicet quod a burgensi possideri poterat. Vide Buri, Erlæuter. des Lehnrechts, part. IV. pag. 100. sqq. Adel. Vide Borgagium in Borda 5. et suo loco.
Burgagium Liberum dicitur, quod soluto vectigali annuo solito, ab omni alia liberum est servitute. Monasticum Anglic. tom. 2. pag. 361 :
Possessiones quæcunque, cujuscunque generis fuerint, vel naturæ, sive de nobis, seu de aliis in capite, sive in Liberum Burgagium, semper aliud quodcunque servitium, qualitercunque teneantur.
Tom. 3. pag. 91 :
Concedimus etiam eisdem.... Liberum Burgagium, et omnibus hominibus eorum, etc.
Vetus Consuetudo Normanniæ cap. 28 :
Par Bourgaige sont tenus les fiefs, comme sont les masures, qui sont és bourgs, et gardent les coustumes des bourgs.
Adde cap. 31.
les Bénédictins de St. Maur, 1733–1736.
Borgagium, pro Burgagium. Cod. Leg. Norman. cap. 27. apud Ludewig. tom. 7. pag. 213 :
Firmarie feodales, censarie et libera tenementa, et etiam servilia, et bordagia, et Borgagia.
Charta ann. [] 1251. ex Archivo B. Mariæ de Bono-Nuntio Rotomag. :
Item, duos solidos annui redditus usualis monetæ, quos Rad. dictus Hardel et ejus uxor tenebantur nobis reddere annuatim ad festum S. Remigii de Borgagio suo. Item, duo Borgagia cum edificiis suppositis quæ sita sunt, etc.
Burgesia, Idem quod Burgagium, seu quod a Burgensibus domino pensitatur. Charta Petri de Gasnapia pro Monasterio S. Mariæ de Blancha ann. 1205. apud Lobinellum Hist. Britan. tom. 2. col. 389 :
Concedo dictæ Abbatiæ in perpetuum et confirmo quadraginta solidos annui redditus super Burgesiam Berengarii militis, et triginta solidos annui redditus super Burgesiam Petri Gand.
Charta Joan. de Castilione Comitis Blesensis ann. 1277 :
Ay donné en perpetuel aumosne à l'Abbaye des Nonains de Nostre-Dame de Soissons à prendre.... sur mes Bourgesies de Guyse, par la main de cely, qui pour tens recepvra les dites Bourgesies.
Vide Burgesia suo loco.
les Bénédictins de St. Maur, 1733–1736.
Burgensia, Eadem notione. Practicis nostris, Droit de jurée. Charta Philippi Aug. ann. 1200 :
De servientibus laicis Scholarium qui non debent Burgensiam nobis vel residentiam, etc.
les Bénédictins de St. Maur, 1733–1736.
Burgosia, in Chartulario S. Vandregesili tom. 2. pag. 1504 :
Ego Symon de Busco dictus Presbyter dedi et concessi in liberum maritagium Radulpho dicto Richant et Gillæ uxori suæ, cum duxit eam in uxorem viginti solidos annui redditus, quos habebam in Burgosia de Conchis.
© École des chartes.