« »
 
[]« Casati » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 201b. http://ducange.enc.sorbonne.fr/CASATI
CASATI. Joachim. Vadianus lib. 2. de Colleg. et Monaster. German. pag. 60. et ex eo Goldastus in Notis ad Dositheum lib. 3. pag. 23. putant, Casatos primum dictos libertini generis homines, qui conductum inhabitabant. Locantur et casæ certa redituum, aut census conditione, nec una locationis specie. Dienim, inquit Vadianus, hodieque villæ versi autem erant ab illis servis quos vulgus Alemannorum Leibaigenleuth vocat. Certe Casati non tam libertinæ, quam servilis fuerunt conditionis, dictique videntur servi ii qui intra casam, hoc est, in ruralibus possessionibus, serviebant, ut est in Capite. Caroli Magni lib. 3. cap. 73. et 80. et qui certis casis addicti erant. Servi namque alii erant Casati, alii non Casati. Charta Divisionis Imperii Caroli M. cap. 6. tom. 2. Hist. Franc. pag. 89 :
Præcipimus ut nullus ex his tribus fratribus suscipiat de regno alterius a quolibet homine traditionem vel venditionem rerum immobilium, hoc est, terrarum, vinearum atque silvarum, servorumque qui jam casati sunt, sive cæterarum quæ hæreditatis nomine censentur, auro, argento, et gemmis, armis ac vestibus, necnon et mancipiis non Casatis, et his speciebus quæ proprie ad negotiatores pertinere noscuntur.
Eadem habentur in Divisione Ludovici Pii cap. 7. Neque alii videntur Casati in Chartis Alemann. apud eundem Goldastum. Charta 39 :
In villa quæ dicitur [] Centoprato, Casatos 2. cum omnibus adjacentiis, vel adpendiciis eorum.
Ch. 69 :
Non est incognitum quod Maganoldus.... Casatum unum cum hoba sua ad dictam Ecclesiam tradidisset.
Ch. 87 :
Et dotavi eam Casalibus 8. et similiter hobas 12. et mancipia denominata, etc.
Alia apud Vadianum loco citato :
Et hoc est quod trado... et Casatos tres his nominibus, etc. Casalées naturaus,
dicuntur ejusmodi servilis conditionis homines, i. Casati, seu Casalati nativi, originarii, in Foris Beneharn. tit. 1. art. 20.
P. Carpentier, 1766.
◊ Eo potissimum nomine designatos ecclesiarum vassallos disputat Casanova lib. 1. de Franc. alod. apud Occit. cap. 11. Vide supra Casamentum 1. et Guerard. in Prolegom. ad Chartul. S. Petri Carnotensis § 25.
Casati Villæ, Burgenses, qui casam habent in villa, seu oppido, in Charta ann. 1206. apud Perardum in Burgund. pag. 299.
Casatus, Domesticus, vel vassallus, feodatus. Statut. ant. S. Petri Corbeiens. lib. 2. cap. 17 :
De decimis autem quas vassi vel Casati homines nostri dare debent talis est ratio.
Necrolog. S. Stephani Autisiodor. :
Pridie Nonas Aug. Gaufridus Comes Cabilonensis, hujus Ecclesiæ Casatus, apud castrum suum Donziacum Monachus factus obiit.
Vita Aldrici Episcopi Cenoman. pag. 118 :
Quosdam vassallos, Casatosque, ut nominant.
Vita S. Arnulfi Fpiscopi Suess. inter Acta SS. Benedict. sec. 6. part. 2. pag. 514 :
Communi consilio fratrum atque Ecclesiæ Casatorum concordante clero ac populo, elegerunt in Abbatem servum Christi Arnulfum.
Ibid. pag. 528 :
Tunc igitur consultu Consilii pars sanior cleri, et Casati Ecclesiæ Suessonicæ elegerunt sibi in Pontificem, sanctæ religionis cultorem Arnulfum per id tempus reclusum.
Tabularium Dervense :
A clericis nostris et Equitibus quos Casatos vocant, etc.
ubi Equites iidem qui Milites. Charta ann. 1101. inter Instrumenta tomi 4. novæ Gall. Christ. col. 152 :
Quidquid etiam servitii et justitiæ in alodio Molismensi, in pratis scilicet et sylvis, in aquis decimisque et aliis Milites Casati cum uxoribus suis et progenie eorum habebant.
Chartularium Monasterii Aquicinctensis fol. 26 :
Nicholaus de Inci sive de Cheon vir nobilis.... dedit etiam Militem unum, qui servitium debet cum equo nostro Abbati.
Charta Abbatiæ Dolensis in Biturigib. :
Ego Gomarus uxoris meæ Serenæ consilio, filiorumque meorum, simulque mecum Casati mei, sive feodati, etc.
Alia Lietberti Episcopi Camerac. :
Casatorum, sive domesticorum nostrorum.
Historia Episcoporum Autisiodor. cap. 58 :
Propter domini et Casatorum seu vassallorum suorum potentiam.
Vide Capitul. 1. ann. 812. cap. 4. Baldricum lib. Chronici Cameracensis cap. 63. Vitam Lietberti Episcopi Camerac. cap. 11. Chronic. Abbat. Lobiens. pag. 607. Fulbertum Carnot. Epist. 6. 19. 43. et alibi, Ivon. Carnot. Ep. 28. Gesta Consulum Andeg. cap. 2. num. 6. cap. 3. n. 8. Yepez in Chronico Ord. S. Benedicti tom. 5. pag. 465. 466. etc.
Chaseati, in Regesto Philippi Augusti Herouvaliano fol. 153. verso, in Probat. Hist. Montismorent. pag. 29. Chazez, apud Poetas nostrates. MS :
Et Duc et Comte, et demaine, et Chazé.
Alibi :
Encore seras de Bourgoingne Chazez.
[] MS :
Seloc qui estoit li aisnez,
Fu de Babiloine Chasez,
A Phelippes Gresce donna, etc.
Infra :
Et de Babilone ensement
Vous doins-je tout le Chasement.
Li Lusidiaires MS :
Il vint à une chité,
Manda ses ducs et ses Casés,
De part tout les assemblez.
Philippus Mouskes in Philippo Aug. :
Et donne et tiere autre assés,
Dont il iert tenans et Casés.
Alibi :
Et cascun jour venoient més
De Ducs, de Contes, de Casés.
◊ Charta Othonis Comitis Burgund. ann. 1242. apud Perardum pag. 451 :
Je li ai prié que il aidoie à mes Chazez lor droit à maintenir, tant cum il voudront droit faire. Chasiers,
in Charta Odonis Ducis Burgund. ann. 1206 :
Et les Chasiers, autrement dits feodaux, dudit Chastillon. Homens de Casades,
viros nobiles vocat Raimundus Montanerius in Reg. Aragon. cap. 227 :
E llavors ell s'aparella ab. 300. homens de Casades que hi avia, que tots eren de les mellors Casades de Genova.
© École des chartes.