CELLARIUS, Glossarium mediae et infimae latinitatis, Du Cange et al.

« Cellarius » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 251c. http://ducange.enc.sorbonne.fr/CELLARIUS

CELLARIUS, Cui potus et escæ cura est, qui Cellæ vinariæ et escariæ præest, promus. Gloss. Græco-Lat. : Κελλάριος, Penuarius. Lexic. Gr. MS. Reg. Cod. 2062 : Ταμίας, ὁ ϰελλάριος. Vox Latinis nota : sed præsertim hæc vox usurpatur pro officio Monastico. Cyprianus in Vita S. Hilarii Arelatensis :

Post breve tempus in congregationis Cellarium eligitur. Cœpit igitur attente et studiose illis velle largiri quibus esset necessarium, etiamsi abstinentiæ amore mihil peterent.

Vide Capitulare de Villis cap. 58. Pertz. Cellerarius. Capitula Ludov. Pit. Addit. 1. cap. 56. Vitam S. Benedicti Abb. Anianæ n. 9. et Haeftenum lib. 3. Disq. Mon. tract. 7. disq. 4. Vide Cellararius et Cellerarius.

Cellarii, Qui cellaria publica seu species cellarienses asservabant, in Novella Marciani de Indulg. reliqu.

Cellarius Coquinæ, in Monasteriis, in Charta Willelmi Ducis Aquit. ann. 1131. pro Abbatia Angeriacensi.

P. Carpentier, 1766.

◊ Qui coquinæ in monasteriis præest ; Cevelier de le cuisine, in Reg. 13. sign. Habacuc Corb. ad ann. 1510. fol. 21. Cevelier enim vel Chevelier, passim pro Cellerier, in Tabul. ejusd. abbat. Unde Cevelier des eaues appellatur in Reg. jam laudato, qui nunc vocatur le Cellerier des eaux.