CENTENARIUM 1, Glossarium mediae et infimae latinitatis, Du Cange et al.

« 1 centenarium » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 262c. http://ducange.enc.sorbonne.fr/CENTENARIUM1

1. CENTENARIUM, et Centenarius. Isidorus lib. 14. Orig. cap. 24 :

Centenarium, numeri nomen est, eo quod centum librarum ponderis sit.

Vetus Agrimensor. :

Centenarius dicitur, eo quod centum libris constet.

Ita Centenarium æris usurpat. l. 3. Cod. Theod. de Conlat. æris. (11. 21.) Arnoldus Lubec. lib. 4. cap. 37 :

Persolvens ei annuatim 7. auri pondera, quæ Centenere dicuntur.

Paulus Warnefridus lib. 3. de Gestis Langob. cap. 12 :

Quindecim ei auri Centenaria deferens.

Utuntur præterea Liberatus Diaconus cap. 22. Gregorius Turon. de Gloria Confess. cap. 63. lib. 5. Hist. cap. 20. 31. Fredegar. cap. 69. Gregor. M. lib. 2. Ind. 2. Epist. 130. Chron. Reichersp. pag. 275.

Helmodus lib. 1. cap. 84. Tageno Pataviensis, etc. Χρυσίου ϰεντηνάρια habent passim Scriptores Byzantini, Theophanes pag. 99. 147. 148. 335. etc. Procop. lib. 1. de Bello Pers. et in Hist. arcana, Nicetas in Man. lib. 2. § 7. lib. 5. § ult. Cinnamus, Gruter. Inscript. 1120. 17. et alii quos passim laudant Scaliger de Re nummaria, Meursius et Fabrotus in Glossariis, et Jacob. Gotofred. ad leg. 2. C. Th. Si quis pecun. confl. nos etiam quædam ad Cinnamum pag. 435. Vide Georg. Agric. lib. 4. de Ponder. Roman. pag. 95. et in verbo Talentum.

Centenarium Ceræ, in Charta ann. 1208. apud Ughellum tom. 7. pag. 274.

les Bénédictins de St. Maur, 1733–1736.

Centenarium, Quod complectitur centum cannas, in Statutis Massil. lib. 3. cap. 13 :

De canabaciis crudis non vendendis nisi per Centenaria.... Addentes præterea huic capitulo, ut Centenaria canabaciorum alborum, nigrorum et brunorum intelligantur de centum cannis Centenariorum, etc.

CENTENARIA 2. CENTENARIUM © École des chartes.

« 2 centenarium » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 263a. http://ducange.enc.sorbonne.fr/CENTENARIUM2

2. CENTENARIUM, Canalis per quem aqua decurrit. Fistula nempe, quam Vitruvius lib. 8. cap. 7. Centenariam vocat, quod, ut explicat Philander, lamina plumbea, antequam in rotundationem flectatur, lata sit digitos centum, ut Quinquagenaria, lata 50. etc. Anastasius Bibl. in Hadriano PP. pag. 112 :

Forma, quæ vocatur Sabbatina, nimis confracta existens : per quam decurrebat aqua per Centenarium in atrio Ecclesiæ B. Petri, etc.

Infra :

Et confestim Centenarium illud, quod ex eadem forma in atrio Ecclesiæ B. Petri decurrebat, dum per nimiam neglectus incuriam plumbeum ipsius Centenarii furtim jam ex parte ablatum fuisset, etc.

In Nicolao I. pag. 210 :

Per quam decurrebat aqua per Centenarium in urbem Romanam.

1. CENTENARIUM 3. CENTENARIUM © École des chartes.

« 3 centenarium » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 263a. http://ducange.enc.sorbonne.fr/CENTENARIUM3

3. CENTENARIUM, vel Centenarius, Officium centum Missarum. Chronicon Casauriense lib. 4 :

Instituit ut pro uno quoque fratre defuncto fiat Centenarius, hoc modo, ut a die obitus uniuscujusque Fratris justitia de pane et vino, et cæteris cibis, cotidie in mensa Abbatis ponatur.

Vide Tricenarium.

2. CENTENARIUM 4. CENTENARIUM © École des chartes.

« 4 centenarium » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 263a. http://ducange.enc.sorbonne.fr/CENTENARIUM4

4. CENTENARIUM, Pars regionis in Centenas divisæ, vel Territorium, intra quod jurisdictio et districtus alicujus villæ seu oppidi protenditur. Charta Henr. I. reg. Angl. ann. 1108. inter Instr. tom. 11. Gall. Christ. col. 156 :

Concedo.... burgum et villam, quæ dicitur ad S. Petrum supra Divam, cum omnibus appenditiis et redditibus suis totumque Centenarium quod eidem villæ adjacet, et quidquid infra ipsum Centenarium continetur.

Correct. stat. Cadubrii cap. 3 :

Facere debeant proclamari per Centenaria Cadubrii voce præconia, quod, etc.

Ibid. cap. 8 :

Decernimus quod in territorio Cadubrii sit et esse debeat unum majus et generale consilium, in quo interesse debeant dom. capitaneus, et dom. vicarius, et unus officialis cum duobus consiliariis, pro quolibet Centenario Cadubrii, salvo quod de Centenario plebis interesse debeant duo officiales.

Vide Centena 2.

« 5 centenarium » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 263a. http://ducange.enc.sorbonne.fr/CENTENARIUM5

5. CENTENARIUM, Centenarius, Modus agri, idem quod infra Centum 2. Charta Walteri episc. Tornac. ann. 1244. in Suppl. ad Miræum pag. 594. col. 1 :

Alardus de Berkahem et Margareta uxor ejus..... recognoverunt se vendidisse.... ad opus Beghinarum Insulensium...... tres bonarios terræ et duos Centenarios, paulo plus, vel minus, sitos apud Insulas.

Alia ann. 1374. in Reg. 105. Chartoph. reg. ch. 256 :

Tria bonaria cum tribus Centenariis et duabus virgis cum dimidia terræ jacentis in parrochia de Dotignyes..... Quinque Centenaria cum duodecim virgis prati in parrochia de Dotignies situati.