« »
 
[]« 1 cheminus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 302c. http://ducange.enc.sorbonne.fr/CHEMINUS1
1. CHEMINUS, Chiminus, Via, iter, strata : ex Gallico, Chemin. Leges Edwardi Confess. cap. 12 :
Alia, (pax Regis) quam habent 4. Chemini Watlingstrete, Fosse, Hikenildstrete, et Ermingstrete.
De his 4. cheminis Angliæ majoribus, vide præterea Leges vernaculas Willelmi Nothi cap. 30. et Henricum Huntindonensem lib. 1. pag. 299. Grimm. de Irminstrata pag. 31. sqq. et Mythol. German. pag. 213. Monasticum Anglic. tom. 1. pag. 532 :
Dedit nobis in escambium Chimini, versus boscum 8. acras.
Justus Abbas in Serm. ad Cistercienses :
Ipsa nostra habitacula urbibus similia sunt, et ut vulgo dicitur, in Chimino posita, commeantibus quadriviatim patent.
Charta ann. 1227. in Tabul. Ecclesiæ Meldensis pag. 32 :
A monte Dolio usque ad Cheminum ferratum quod vadit de Meldis ad Pontmorte.
Occurrit alibi non semel.
P. Carpentier, 1766.
◊ Charta ann. 1265. ex Chartul. S. Joan. Carnot. :
Burgus S. Johannis in Valleia... est in censiva dictorum abbatis et conventus cum vicis ejusdem burgi et Cheminis, et aliis locis.
Alia ann. 1176. inter Probat. tom. 2. Hist. Lothar. col. 382 :
Sicut Chiminus vadit de Sirocour versus Tautonvillam.
[]
◊ Proprie autem et peculiari significatione Cheminum vocari annotat Consuetudo Claromontensis art. 229. viam majorem, quæ in latitudine continet 32. pedes, proinde minorem Regia, quæ continet 64. pedes : majorem vero Via, quæ continet 16. pedes. Ita etiam Rastallus Anglus :
Chemin est le haut voy, l'ou chescun home passe, qui est appellé Via Regia.
De vocis origine non constat, quam Gallicam veterem putat Bergerus lib. 3. de Viis Roman. cap. 49. § 5. Stephanus Guichartus in Harmonia etymol. ab Hebræo Chamac, deducendam putat, i. circuire, ambire, declinare, ire, et ambulare. Vide Pax Regis, Via ferrata et Caminus 2.
P. Carpentier, 1766.
Cheminus Levatus, Agger, nostris Levée. Charta ann. 1254. in Chartul. eccl. Lingon. ex Cod. reg. 5188. fol. 240. v°. :
A dicto molendino usque ad magnum Cheminum levatum tendentem apud pontem d'Acroiche.
Vide Levata 3.
P. Carpentier, 1766.
Cheminus Pedagialis, Principalis, Via major, in qua pedagium exigitur. Charta ann. 1281. in Reg. 53. Chartoph. reg. ch. 279 :
De quodam latrone capto in uno quatuor Cheminorum pedagialium et principalium in villa S. Maxentii et extra.
Vide in Via 1.
les Bénédictins de St. Maur, 1733–1736.
Chiminum, f. ut mox Cheminagium. Charta Stephani Sacri-Cæsaris Domini ann. 1178. pro Capitulo Bituricensi, apud Thomasserium in Biturig. pag. 139 :
Consuetudines omnes quas in parrochia Belliloci et de Centrengiis accipiebam, videlicet arbannum, biennum, præposituram, forisfactum monetæ, furtum, murtrum, Chiminum, gladium extractum, equitatum meum, etc... Pro quitatione autem harum consuetudinum constituerunt mihi Canonici... in excambitionem octoginta libras.
P. Carpentier, 1766.
◊ Cognitio est vel justitia de delictis, quæ in Cheminis seu viis publicis perpetrantur. Vide in Via 1.
Cheminagium, Telonium seu pensitatio, quæ in forestis exigebatur a forestariis, pro plaustris, et equis colonorum, qui per suæ forestæ baillivas, seu limites onera portabant : ex Gallico Cheminage. Charta Joannis Regis Angl. pro forestis, apud Matth. Paris ann. 1215 :
Nullus Forestarius de cætero, qui non sit Forestarius de feudo, reddens firmam nobis pro bailliva sua, capiat Cheminagium : scilicet pro careta per dimidium annum 2. denarios, et pro equo qui portat summagium, etc.
Charta Henrici III. Regis Angl. in Hist. Harcur. tom. 4. pag. 2206 :
Quod ipsæ et earum successores in perpetuum sunt quietæ de Cheminagio per omnes forestas nostras in Comitatu Warrici et Gloucestriæ.
Fleta lib. 2. cap. 41. § 25 :
Item inquiratur si aliquis Forestarius de feodo, vel alii ceperint finem vel mercedem aliquam pro Cheminagio aliter quam ipsos percipere licet.
At vir doctus contendit legendum in Charta de Foresta laudata, Chimagium, itaque haberi in ipso textu. Ex confirmatione ejusdem chartæ Chiminagium legitur in Abbrev. Placit. Pasch. ann. 22. Eduard. I. Suth. rot. 5. pag. 291 :
Walterus de Everle, custos forestæ regis de Pambere implacitatur per Johannem de la Consande et Johannem Morwarde de Iwode... quod exigebat de eis Chiminagium et expeditionem canum contra formam cartæ regis Henrici, patris regis nunc. Qui Johannes et Johannes pecierunt licentiam recedendi de brevi suo et habent.
Tabularium S. Cypriani Pictavensis :
Ranulphus Alians concessit... consuetudines omnes quæ habet in Buxia, et Chinatgium, [] excepto Forestagio concedentibus dominis de Isla... Giraudus Berlant filiusque ejus concesserunt Monasterio S. Cypriani consuetudinem Chinatgii, et cætera quæ a senioribus suis de Isla in Buxia obtinebat. Chemagii
vel Chimagii meminit Raguellus ex Charta ann. 1387. aitque esse præstationem vel telonium pro chemino seu via : sed, aut fallor ipse, fallitur. Est enim Chemagium idem quod Cimagium, jus scilicet utendi supremis ramis arborum in forestis, quos Cimes dicunt. Charta Gaufredi Liziniacensis Dom. Volventi et Merventi ann. 1233. qua Eleemosynariæ S. Thomæ Fontenacensi suum Chauffage concedit in silva de Mervent :
Ce est à savoir à prendre à l'usage de la maison devant dite, tant cum un chevaux, o uns asnes, lor en porra apporter daus Cimaus, et daus branches, qui remandront au servant, qui de ma fourest devant dite tranchera et mettra son chauffage au Signor de Fontenay. Et si les branches et la Cimau devant dit ne soffisent au devant dit freres au chauffage de os et dau pauvres de la maison devant dite, je lor ay donné congé et pouer de prendre lor bois sec, etc.
les Bénédictins de St. Maur, 1733–1736.
Chiminagium, apud Rymer. tom. 8. pag. 95. col. 2 :
Chiminagiis, piscariis, molendinis, etc.
© École des chartes.