CLUNABULUM, Clunacium, Clunaculum. Papias, ex Isidoro : Clunabulum, dictum quod ligetur ad clunem, id est, pugio. Est enim parvus gladius lateri adhærens, vel spata. Gloss. Ælfrici Saxonicum : Pugio, vel Clunabulum, stæf liðere, vel hype sex. Festus :

Clunaclum, Cultrum sanguinarium dictum, vel quod clunes hostiarum dividit, vel quia ad clunes dependet.

Gellius eadem notione usurpat Clunaculum. Vide Cluniculum. Græci recentiores appellant παραμήριον.