« »
 
COKET 1, COKET 2.
[]« 1 coket » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 397c. http://ducange.enc.sorbonne.fr/COKET1
1. COKET, Coketa, Mensuræ species, apud Anglos, forte ex Latino Concha : nam Concha mensura aridorum fuit, uti in hac voce docemus. Fleta lib. 2. cap. 9. § 1 :
Panis de Coket de eodem blado et eodem bultello, etc.
Infra :
Panis vero integer quadrantalis frumenti ponderabit unum Coket et dimidium.
Statuta Davidis II. Regis Scotiæ cap. 39 :
Ordinatum est quod sit trona ad lanas ponderandas... et sit ibi Clericus ad tronam, qui... potest convenienter esse Clericus Coketæ Regis.
Vide Cogo. Steph. Skinnerus in Etymologico Anglico, ait Cocket bread, videri dictum panis quoddam medium genus inter purissimum, seu similagineum, et vilissimum furfureum, Gall. Pain de ménage : illudque quod Coketo, seu cymba in urbem advehitur, quemadmodum Parisienses Pain chalant vocant, quod Chelandio deportatur. Vide Chelandium.
P. Carpentier, 1766.
◊ An inde Cuquelin, in Lit. remiss. ann. 1408. ex Reg. 163. Chartoph. reg. ch. 208 :
Un tonnellet de huit loz ou environ, plain de chandelles de sieu, contenant xiiij. livres ou environ, et deux Cuquelins [] d'espices ; lesquelles chandelles et Cuquelins, etc.
© École des chartes.
[]« 2 coket » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 398a. http://ducange.enc.sorbonne.fr/COKET2
2. COKET vel Cocket, Eisdem Anglis, signum vel sigillum quo præfecti portorio signant merces, pro quibus debitum vectigal exsolutum est. Charta Henrici IV. Angl. Regis apud Rymer. tom. 8. pag. 573 :
Omnes homines venientes cum lanis, coriis vel pellibus vendendis sine signo, quod vocatur Coket, et mercandisas illas seitiunt ad opus Episcopi tanquam forisfactas.
Vide Coquettum.
les Bénédictins de St. Maur, 1733–1736.
Cokettare, Merces signo Coket dicto obsignare. Charta Edwardi III. Regis Anglor. ann. 1341. apud Rymerum tom. 5. pag. 274 :
Statuimus et concedimus, quod omnes lanæ et mercandisæ prædictæ, quas extra portus dicti regni nostri non custumatas, nec Cokettatas educi contigerit,.. nobis ipso facto forisfactæ sint et confiscatæ.
Ibidem pluries occurrit et alibi.
les Bénédictins de St. Maur, 1733–1736.
Cokettum, apud eumd. Rymer. ibid. in Charta Edwardi III. Regis Angl. :
Et si dicti Major et Constabularii dictas lanas et mercandisas, sic sine custuma vel Coketto eductas inveniant, habeant pro scrutinio suo unam, et nos aliam medietatem lanarum.
© École des chartes.