Collectores Consortiales, Gall. Queteurs. Qui spontaneas Fidelium oblationes colligunt pro Consortiorum seu Confratriarum expensis in luminaribus, vestibus sacris, aliisque pietatis operibus. Bulla Nicolai IV. Papæ ann. 1290. apud Rymerum tom. 2. pag. 478 :

Decima non solvetur... de illis oblationibus quæ colliguntur interdum per laicos, qui Collectores Consortiales dicuntur, et interdum per Clericos... ad opus Consortii... ut inde luminaria in Ecclesia, cruces et calices fiant et reparentur.

Collectores Missarum vel Anniversariorum qui dicantur in Hispania satis colligitur ex Concilio Mexicano ann. 1585. in quo sic :

Collector unus Missarum constituatur, Sacerdos vitæ exemplo probatus... qui ab Episcopo deputetur ; cujus officium sit eleemosynam recipere Missarum omnium, quæ ex testamentorum dispositione, aut alio quovis modo celebrari fient. Collector habebit duos libros, in quorum uno Missas annotet, quæ vel ex testamentis vel ex devotione petuntur celebrari cum officio de quo celebrandæ sunt, loco etiam, die, mense, et anno. In altero vero Missas ad celebrandum inter Presbyteros distributas describet cum nominibus Sacerdotum, annotetque Missas jam celebratas ; ita ut hujus rei Episcopo aut visitatori petenti rationem reddat. Collector Ecclesiæ

in Synodo Valentiæ anni 1566. Anniversariorum, in Epitome Constitutionum ejusd. Ecclesiæ pag. 193. tom. 4. Concil. Hispaniæ.

Collector Coenarum recensitus inter Officiales Jacobi Regis Aragonum, in Charta anni 1299. ex Archivo S. Victoris Massil. intelligendus est Minister, cujus erat pecuniam vel alias res colligere Regi debitas pro Cœnaticis et Albergis, seu pastibus, quos Domini a vassallis suis exigere consueverant. Vide Cœnaticum, Alberga, Gistum.

Collectoria. Informat. c. ann. 1397. ap. Guden. in Syllog. pag. 656 :

Informacio super officio Collectoriæ provinciæ Maguntinæ. Est verum quod episcopus Wormaciensis... fuit collector fructuum Cameræ Apostolicæ.