« »
 
COLUM 1, COLUM 2, COLUM 3, COLUM 4.
[]« 1 colum » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 417c. http://ducange.enc.sorbonne.fr/COLUM1
1. COLUM, Fastigium templi, Papiæ : pro Tholus, ni fallor. Vetus Glossar. San-German. MS. num. 501. habet : Colum, Fastigium templi rotundum.
© École des chartes.
[]« 2 colum » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 417c. http://ducange.enc.sorbonne.fr/COLUM2
2. COLUM, pro Colon, Græc. ϰῶλον, Intestinum crassum, medium inter cœcum et rectum. Vide locum in Longao.
© École des chartes.
[]« 3 colum » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 417c. http://ducange.enc.sorbonne.fr/COLUM3
3. COLUM, Glossar. vetus, cap. de Vasis argenteis : Colum, ἠθμός. Accensetur vulgo sacris ministeriis, estque vasculum quoddam subtilissimis foraminibus ab imo fundo perforatum, per quod vinum ex amulis in calicem refundebatur. Vetus Charta Cornutian. edit. a Suaresio :
Hamulam oblatoriam, Colum, thymiamaterium, etc.
Ordo Romanus :
Archidiaconus sumit amulam Pontificis cum vino de Subdiacono, et refundit super Colum in calicem.
Infra :
Archidiaconus... accipiens Calicem ab Acolyto Archidiacono apportet vinum per Colum, quod sinistra manu Romanus Ordo Archidiaconum auriculari digito ferre jubet purgandum. Quod utique vas in id opus ex aliquo metallo formatum, in medio sui plurima quasi acus foramina ad excolandum vinum ostendit, et illud Archidiaconus per totum Missæ officium in sinistra manu, illo quo prædiximus digito, annulo suspensum portaturus est.
P. Carpentier, 1766.
◊ Vide Joan. Domin. Aulisii epistolam inter ejus opuscula. Glossar. Lat. Gall. ex Cod. reg. 7679 : Colum, Entonnouer.
Cola. Christianus Arch. Moguntin. in Chron. pag. 384 :
Erant Colæ argenteæ novem, per quas vinum poterat colari, si necesse fuisset, præter eam quæ attinebat calici aureo, et hæc aurea erant.
Chron. Laurisham. :
Baccina, thuribulum, Cola, et ampullæ pondo 8. marcarum.
S. Wilhelmi Constit. Hirsaug. lib. 2. cap. 34 :
Adhuc autem ab Armario Diaconus aliquis illuc dirigitur, et accepta Cola de manu ejusdem Sacerdotis, sicut et ille de Subdiacono accepit, etc.
Colatorium, Idem quod Colum. Papias : Colatorium, liquatorium. Idem :
Colum, Colatorium : a colando mustum.
Ordo Roman. :
Archidiaconus sumit amulam Pontificis de Subdiacono Oblationario, et refundit in calicem super Colatorium.
Alibi :
Gemelliones argenteos cum Colatorio argenteo et aureo.
Hist. Episcop. Autisiod. cap. 20 :
Colatorium pens. unc. 2.
Anastasius in Sergio II :
Colatorium de argento, quod in sacro utitur officio, deauratum unum.
In Benedicto III :
Patenam unam, Colatorium unum.
In Leone III :
Vasa Colatoria argentea deaurata.
Latini Colare, dicunt per Colum transmittere. Manilius :
Et colare vagos inductis retibus amnes.
Vide Chartam Philippi Episcopi Bellovacensis ann. 1217. in Hist. Drocensi pag. 244. et Cardinal. Bona lib. 1. Rerum Liturgic. cap. 25. n. 5.
les Bénédictins de St. Maur, 1733–1736.
Coltorium, apud Bernardum Monachum in Ordine Cluniac. part. 1. cap. 50 :
Ab uno Sacerdote cappa induto exhibetur aqua etiam cum argenteo Coltorio, etc.
© École des chartes.
[]« 4 colum » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 417c. http://ducange.enc.sorbonne.fr/COLUM4
4. COLUM, Clava, ex Flandrico Kolve. Chronicon Andernense ann. 1231 :
Plebeæ multitudini utriusque sexus relinquentes exposuerunt, et vix de rastris et flagellis, de furcis, Colis, et baculis sese subtrahentes, etc.
Vide Colvekerlia.
© École des chartes.