COMMUNIS 1, Glossarium mediae et infimae latinitatis, Du Cange et al.

« 1 communis » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 458c. http://ducange.enc.sorbonne.fr/COMMUNIS1

1. COMMUNIS, Accessu et affatu facilis, qui cum omnibus communiter versatur. Victoris Epit. in Pertinace :

Communem affatu.

In Theodosio :

Clemens animus, misericors, Communis, solo habitu differre se cæteris putans.

Ita Terentius in Seipsum cruciante,

animum Communem et lenem

dixit.

9. COMMUNIO 2. COMMUNIS © École des chartes.

« 2 communis » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 458c. http://ducange.enc.sorbonne.fr/COMMUNIS2

2. COMMUNIS, ut supra Commune 1. Libert. novæ bastidæ S. Ludov. ann. 1325. in Reg. 64. Chartoph. reg. ch. 127 :

Et ab illa exactione, quæ dicitur Comunis sive Comu (sic) et aliis servitutibus perpetuo sint immunes. Laquelle rente est appellée Comun,

in Charta ann. 1326. ibid. ch. 203. Qui quidem redditus vocatur Comune, in Lit. Eduardi reg. Angl. ibid. ch. 311. Consuet. Auxit. Mss. art. 76 :

Item est consuetudo ibidem, quod aliquis ex civibus vel hominibus civitatis et villæ Auscitanæ non compellatur per dominos dictæ villæ eis facere..... talliam vel Communem, vel aliquam aliam servitutem.

Vide infra Communitas 3.

1. COMMUNIS 3. COMMUNIS © École des chartes.

« 3 communis » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 458c. http://ducange.enc.sorbonne.fr/COMMUNIS3

3. COMMUNIS dicitur civitas, quæ caput est provinciæ. Lit. Humberti delph. ann. 1349. tom. 5. Ordinat. reg. Franc. pag. 49. art. 37 :

Quia Gratianopolitana civitas, locus insignis et Communis toti Delphinatui, etc.

Id est, ad quem ex toto Delphinatu concurritur.

Communis, Amicus : quippe, ut est in Proverbio πάντα τῶν φίλων ϰοινά. Flodoardus lib. 3. Hist. Rem. cap. 23 :

Pro Evrardo, quem Communem suum vocat, et ipsius filium, ut pro eo apud Ludovicum Regem... intercedat, obsecrat.

Villardhuin. n. 100 :

Ensi furent Communel li Grieu et li François de totes choses.

Communis esse præterea dicitur, qui alteri assentitur. Gregorius Turon. lib. 9. Hist. cap. 28 :

Illo quoque recusante non se his verbis esse Communem.

Anastasius in S. Anastasio PP. :

Fotino, qui Communis erat Acacio,

id est, qui eadem sentiebat quæ Acacius. Communes personæ, Homines neutrius partis. Chart. ann. 1323. in Guden. Cod. Diplom. tom. 3. pag. 200 :

Si vero inter nos nostramque ecclesiam Moguntinam, et Coloniensem ecclesiam aliquam fortassis contingeret discordiam suboriri ; in illa discordia per se et suas municiones et homines suos prædicti fratres Communes Personæ esse debent, et Communiter se tenere, neutram earumdem ecclesiarum quomodolibet adjuvando.