« »
 
[]« Confratria » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 501c. http://ducange.enc.sorbonne.fr/CONFRATRIA
CONFRATRIA, Societas, Confrerie. Hincmarus Remensis in Capitul. ad Presbyt. parochiæ suæ cap. 16 :
De Collectis, quas Geldonias, vel Confratrias vulgo vocant, etc.
Infra :
Conventus autem talium Confratrum, etc.
Guillelmus de Podio-Laurent. in Chron. cap. 15 :
Obtinuit Tolosæ magnam fieri Confratriam, Confratres omnes consignans Domino signo Crucis, etc.
Ibidem :
Confratria, candida, alia nigra.
Helias de Roffiaco in Abbatib. S. Martialis Lemovicens. :
Exactionem, quam Episc. Lemovicensis vel canonici sub nomine Confratriæ a populo violenter expetebant..... irritam fecit.
Bern. Ytherius in Chronico apud Stephanotium tom. 1. Fragm. MSS. :
Confratria obolorum tunc (ann. 1197) orta est.
les Bénédictins de St. Maur, 1733–1736.
Confratria, Sacrum sodalitium, nostris etiam Confrerie. Ordinarium Ecclesiæ Rotomag. ad calcem libri Johannis Abrinc. de Offic. Eccl. pag. 165 :
Etiam debent habere (Capellani) quilibet unum par chirotecarum a fratribus Confratriarum.
Vox recentioribus familiaris hac notione. Vide Confraria.
Confratria et Confraternitas, in malam partem. Concil. Arelat. ann. 1234. cap. 9 :
Quia propter conjurationes et conspirationes, quæ Confratriæ vocantur, in civitatibus et villis et castris quammultæ discordiæ et dissensionis materiæ suscitantur.
Confratrie vel Conspirationes, in Statutis MSS. ejusd. urbis art. 90. Concilium Avenionense ann. 1326. can. 37 :
Qui in nostrarum provinciarum partibus nobiles, plerumque, et interdum alii, colligationes, societates, et conjurationes faciunt, tam canonibus quam humanis legibus interdictas, semel in anno sub nomine Confratriæ se in loco aliquo congregantes, ubi conventiculas et conventiones faciunt, et pacto juramento vallata ineunt, quod se adversus quoscunque, præterquam Dominos suos, ad invicem adjuvent, et in omni casu unus det auxilium, consilium, et favorem : et interdum [] se omnes veste consimili cum signis aliquibus exquisitis vel characteribus inducentes, unum majorem se eligunt, cui jurant in omnibus obedire. Ex quibus justitia offenditur, mortes et deprædationes sequuntur, pax et securitas exulant, innocentes et inopes opprimuntur, etc.
Constitutiones Synodales MSS. Augerii II. Episcopi Conseran. :
Districte igitur præcipimus ne aliquis conjurationes, colligationes, Confratrias, seu alias quascumque oblationes fide vel juramento, seu qualibet alia firmitate interpositas facere præsumat contra Ecclesias, vel Ecclesiasticas personas, seu contra ecclesiasticam libertatem, si præmissas (excommunicationis) pænas convaluit evitare.
Agunt pluribus de ejusmodi Confratriis Concilium Monspeliense ann. 1214. cap. 45. Tolosanum ann. 1229. cap. 38. Campinacense ann. 1238. cap. 31. Valentinum ann. 1248. cap. 20. et Avenionense ann. 1281. cap. 8. Trevirense ann. 1310. num. 61. apud Marten. tom. 4. Anecdot. col. 253.
© École des chartes.