Curtisani Regis vel alterius Principis aulici, Courtisans, qui in Regis Corte versantur, apud Gobelinum Personam in Cosmodromio ætate 7. cap. 77. 88. in Chronico Montis S. Agnetis, apud Gersonum in Serm. de sancto Antonio, in Chronico Marienrod. apud Leibnitium tom. 2. Scriptor. Brunsvic. in Chronico Episcoporum Merseburg. apud Ludewig. tom. 4. Reliq. MSS. pag. 437. et in Chronico Cornelii Zantfliet, apud Marten. tom. 5. Ampliss. Collect. col. 480. etc.

Cortesani, Eadem notione, in Vita Eugenii IV. Papæ, apud Baluzium Miscell. tom. 7. pag. 507. Bulla Benedicti XIII. Pseudo-Papæ, ex Archivo Civitatis Massil. :

Marescallus noster habet jurisdictionem civilem et criminalem in Cortesanos seu nos et Curiam nostram sequentes.

Vide Corthesanus.

Cortis, Curtis, Comitatus : nostris, La Cour du Prince. Hincmarus Remensis Opusc. 17 :

Cum valde vesperi a Corte Regis nostri ad mansiones nostras... festinarem.

Mox :

Cui respondi, ut teneret ipsum hominem secum,... donec ad Cortem redirem.

Capit. Caroli Magni Calvi tit. 11. Apud Valentianas ann. 853. Adnunt. Carol. cap. 5. :

Qualiter honeste et sine indigentia in Curte nostra, sicut antecessores nostri fecerunt, vivere possimus.

Tit. 26. et 27. Apud Confluent. ann. 860. Adnunt. Ludov. cap. 6. Post redit. a Confluent. ejusd. ann. Adnunt. senior. cap. 6. :

In hostem, vel ad placitum sive ad Curtem veniens.

Tit. 39. cap. 1. Apud Carisiac. ann. 873. :

Si ad Cortem nostram venerit.

Capitul. Carlomanni tit. 2. §. 6. Apud Vernis Palat. ann. 884. :

Dum ad Curtem pergunt.

Vide Synodum Confluentinam sub finem, et Capitula Caroli Calvi non uno loco, Ditmarum pag. 88. etc. Idem :

Interrogati sunt qui in Corte degebant.

Ratherius Veronensis in Qualit. Conject. :

In exercitum nunquam, ad Cortem rarissime, etc.

Ratbertus de Casibus S. Galli cap. 9 :

Harmotus... omnes labores et itinera, sive ad Curtem, sive in expeditionem, et ad omnes alias necessitates vice illius strenue accepit.

Chart. Wolframmi Episc. Mindens. sec. XI. ap. Würdtwein. in Subsid. Diplomat. tom. 6. pag. 314 :

Quatuor scutis serviat nobis, sive in Curte, sive in expeditione.

Agio Narbonensis Episcopus apud Catellum in Comitibus Tolosanis pag. 83 :

Audivimus, quod vos Curtim pergere his diebus debetis.

Ita apud Brunonem de Bello Saxon. et alios.

Cortis, Curtis, Familia et domus Principis. Epistola Episcoporum provinciarum Remensis et Rotomagensis ad Ludovicum Regem :

Quin potius habeatis unde sufficienter et honeste cum domestica Corte vestra possitis vivere.

Vide Capitula Caroli Calvi tit. 11. cap. 5. tit. 23. cap. 14. Epistol. Episc. ann. 858.

Curtis Regia, Fiscus Regius. Lex Longobard. lib. 1. tit. 2. §. 9. Rothar. 8. :

Compositionem duplicem exigere videtur... sicut Cortis Regia exigere videtur.

Tit. 9. §. 12. Rothar. 201. :

Tunc ipsa compositio... ad Curtem Regis perveniat.

Tit. 10. §. 1. et 2. Rothar. 163. Liutpr. 17. (3, 3) :

Tunc illi Curtis Regia succedat.

Lib. 2. tit. 14. §. 1. Rothar. 153. 159. :

Et si intentio fuerit contra Curtem Regis, etc.

§. 6 :

Tunc Curtis Regia suscipiat ipsas 4. uncias.

Lib. 3. tit. 1. § 17. Pippin. 1. :

Et tam Curtis Regia, quam Longobardi, tales ibi habeant dominationes, etc.

Adde §. 13. 18. 19. 25. tit. 35. §. 1. etc. Lib. 2. tit. 14. §. 13. 15. 16. 25. Rothar. 171. 199. 224. Liutpr. 76. (6, 23.) lib. 2. tit. 34. §. 1. Rothar. 225. Quæ vero his locis compositiones ad Curtim Regiam, alibi, ad Palatium pertinere dicuntur, lib. 1. tit. 2. §. 10. tit. 25. §. 50. Pippin. 30. Liutpr. 44. (5, 15.) et alibi passim. Vide alia notione in Cortis 1.