1. COTERIUS, Cotherius, Custos agrorum, hortorum, vinearum, aliarumve rerum, Coti etiam seu mulctæ, ob commissum in iis delictum impositæ, exactor. Juge Cotier, qui de ejusmodi delictis judicat mulctamque decernere potest, in Lit. remiss. ann. 1407. ex Reg. 161. Chartoph. reg. ch. 284 :

Le suppliant qui estoit juge Cotier de la ville de Ruaucourt, etc.

Occurrit præterea apud Butiller. in summa rurali. Libert. novæ bastidæ S. Ludov. ann. 1325. in Reg. 64. ch. 127 :

Item quod Coterius in facto cotarii sui credetur suo juramento, quantum ad pœnam levandam.

Confirm. libert. castri de Caslucio ann. 1327. ibid. ch. 586 :

Item bajulus vel ejus locumtenens et consules annis singulis eligent quatuor deguarios seu Coterios ad levandum decos, more solito levare consuetos.

Libert. Caturc. ann. 1344. in Reg. 68. ch. 312 :

Item habent dicti consules... Coterios seu deguerios et messagerios instituere et destituere pro suo libito voluntatis.

Pactum inter reg. episc. et consules Caturc. ann. 1351. in Reg. 80. ch. 487 :

Pro custodia dictarum terrarum, ortorum et vinearum,.... certi et ydonei Coterii seu deguerii per dictos consules.... instituantur.

Libert. Mirabelli in Reg. 74. ch. 564 :

Item quod dicti consules pro hiis (fructibus) custodiendis possint instituere degarios et Cotherios, quibus stare debeat per eorum juramenta de hiis, quod se refferent invenisse, nisi dominus animalium posset contrarium in continenti probare.

Qua notione etiam intelligendæ Consuet. Brager. laudatæ in v. Cotarius sub Cota 2. Vide Cotagium et Cotus 1.