« »
 
[]« 1 cotus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 600a. http://ducange.enc.sorbonne.fr/COTUS1
1. COTUS, Custos hortorum, agrorum et vinearum. Charta Philippi Franc. Regis ann. 1287 :
Voluit etiam dictus Bertrandus, quod Cotus et garda dicti castri et ejus honores... nobis et sibi sint communes.
Pactum inter Dom. et Consules Brageraci ann. 1372. MS. in Consuetudinibus editis art. 13. :
Item quod in Castro et Castellania Brageracensi sit Cotus sive gardiagium : videlicet in terra dicti Domini et districtu qui nunc est vel erit in futurum, inter flumen vocatum La Yla, etc. cujus quidem Coti seu gardiagii erit guagium 4. solidorum, et infra secundum consuetudinem villæ prædictæ, in quibus damnum dare Edit. dans melius. [] tenebitur ratione guatgii, et ultra hoc emendare damnum passo. Itaque vel potius ita quod, ut in Edito. pro dicto Coto de cætero infra dictos terminos gagium novem, nec sex solidorum, quod consuevit exigi seu levari, de cætero non levetur.
Ad marginem scriptum Droit de Quot. Eædem Consuetud. editæ art. 97 :
Item si quis intraverit hortos clausos vel non clausos de nocte, et cœperit inde furtive de fructibus excrescentibus inde ad valorem duodecim denariorum, curret villam, et ponetur in ispillorio, vel solvet sexaginta solidos Domino, necnon et solvet duplex gatgium Coti, et ultra hoc damnum passo emendabit.
Art. 98. de eo qui furatus fuerit de fructibus vinearum dicitur :
Solvet, si sit de nocte, duplex gatgium Coti ; si vero de die, gatgium simplex.
Et art. 101. de animalibus terras, hortos, etc. vastantibus :
Dominus animalis tenebitur de damno dato, et solvet pro dicto damno pro quolibet bove et vaca decem et octo denarios pro gatgio Coti, et ultra hoc emendabit damnum passo ; pro quolibet roncino... solvet pro gatgio Coti duodecim denarios.
Eadem notione sumitur vox Cotarius in iisdem Consuetud. Brager. art. 99. cujus locus exstat in hac voce post Cota 2. Vide Quota.
P. Carpentier, 1766.
◊ Potius, Tributum, quod pro hortorum custodia exigebatur, simul et mulctæ, quæ ob delicta in iis commissa imponebatur, taxatio, Hispan. Coto. Pariag. inter reg. et monast. Obasin. ann. 1329. in Reg. 66. Chartoph. reg. ch. 484 :
Item Coti sive dechi terræ propriæ dictorum religiosorum, quam habent inter dicta duo flumina, et eorum emendæ sive emolumenta, ad dom. regem et dictos religiosos communiter pertinebunt.
Charta ann. 1334. ibid. ch. 1358 :
Item habent dicti condomini in castellania seu baronia et castris prædictis pro indiviso baylivias, Cotos seu decos, pedagia per terram et aquam.
Libert. civit. Caturc. ann. 1344. in Reg. 68. ch. 312 :
Item habent dicti consules... cognitionem Coti et gardiagii quorumcumque prædictorum.
Lit. Joan. comit. Arman. pro villa Florenciæ ann. 1358. tom. 8. Ordinat. reg. Franc. pag. 91. art. 35 :
Concedimus dictis consulibus et habitatoribus ejusdem villæ, quod nos per nos aut per aliquos alios, aliquo tempore, non faciemus Cotum in dicta villa.
Vide supra Cotagium et Coterius.
© École des chartes.