« »
 
[]« Cruces » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 628b. http://ducange.enc.sorbonne.fr/CRUCES
CRUCES. Charta Alexandri III. Papæ pro Capitulo S. Mammetis Lingon. ann. 1170. inter Instrum. tom. 4. novæ Gall. Christ. col. 186 :
Consuetudines seu reditus, quos Cruces appellant de toto episcopatu Lingonensi, exceptis illis, qui ab Episcopis Lingonensibus concessi sunt Ecclesiis aut Monasteriis ejusdem Episcopatus, et scripto eorum corroborati noscuntur, vobis duximus confirmandas.
Hic Cruces intelligo Oblationes fidelium processionaliter ad quamdam Ecclesiam confluentium, quæ in voce Crux dicuntur Cruces bannales ex Catalogo Abbatum Andainensium ; eademque notione accipiendum puto locum Codicis MS. reddituum Episcopatus Autissiod. :
Denarii pro Crucibus Kalendarum Maii circa lii. libras ;
hoc est, si bene conjecto : Denarii qui offeruntur tempore Crucium seu processionum, quæ fiunt [] Kalendis vel circa Kalendas Maii, quales sunt Rogationum processiones.
P. Carpentier, 1766.
◊ Denarios pro Crucibus Kalendarum Maii ex Codice reddituum episcopatus Autiss. interpretatur D. Le Beuf de præstationibus, quæ exigebantur a mercatoribus, qui ad nundinas Kalendis Maii haberi solitas, merces suas venum exponebant in quodam territorio Crucibus designato. Neque aliter intelligenda videtur Charta Will. episc. ann. 1175. inter Probat. Hist. Autiss. pag. 27. col. 2 :
Sex libras Autissiodorensis monetæ in Crucibus de Varziaco, in crastino Pentecostes. Nummi Pentecostales de Varziaco
dicuntur in Ch. ann. 1213. ibid. pag. 43. col. 2. Vide infra Denerada. German. medio ævo Kreuzpfennige, Kreuzschuld, nummi sunt monasterio debiti, census cœnobii. Chart. Monaster. Distorp. ann. 1315. ap. Frisch. in Lexico voce Creutz :
Traditur conventui monialium una curia in Ehhorst, solvens unum dorcum, valentem 8. solidos monetæ levis et 4. solidos Crucepenninghe.
Alia charta ibidem :
Solvit alia Curia 4. solidos qui dicuntur Cruceschult. Adel.
Census annuus die S. Crucis solvendus. Vide Haltausium voce Far-pfennige, col. 439.
© École des chartes.