1. CULMUS. Culmosubnixa, connixa, hoc est, traditione culmi vel stipulæ roborata et confirmata. Traditiones Fuldenses lib. 1. tradit. 5. et lib. 1. trad. 16. 21. 28. 42. 43 :

Firmissimam habeatis potestatem Culmo subnixam.

Alibi :

Hoc sit actum coram testibus subterpositis Culmo subnixum.

Tradit. 11 :

Firmissimamque habeatis potestatem stipulatione subnixam.

Unde liquet, Culmum et stipulationem idem sonare. Est autem Culmus idem quod stipula. Gl. Lat. Græc. : Culmus, ϰαλάμη, στάχυς. Will. Brito in Vocab. MS. :

Stipula sunt folia seu vaginæ, quibus Culmus ambitur, atque fulcitur, ne pondere fruges * cûetr.

f. curventur. Vide Stipulatio.

2. CULMUS, Culmen, fastigium. Glossar. Lat. Gall. ex Cod. reg. 7692 : Culmus, feste vel comble, Annal. Placent. ad ann. 1447. apud Murator. tom. 20. Script. Ital. col. 891 :

Die 25. mensis Julii hora 12. pluit fortiter,..... cum impetu et vento quammaximo ; et tanta fuit vis et violentia, quod.... ex Culmo turris S. Francisci crucem ferream dejecit cum lapide marmoreo, in quo sita erat.

Vide supra Comblus 2.

3. CULMUS, Cumulus, cumulatus. Stat. Vercell. lib. 1. pag. 23. v° :

Res quæ consueverunt vendi ad Culmum, ad rasum illorum quartaronum, etc.

Stat. Avellæ ann. 1496. cap. 96. ex Cod. reg. 4624 :

Quælibet persona teneatur et debeat mensuras castaneas.... per unam eminam, et unam Culmam et unam rasam, pro uno sextario castanearum earumdem.

Vide supra Comblus 1.