« »
 
CURATA 1, CURATA 2, CURATA 3, CURATURA.
[]« 1 curata » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 662c. http://ducange.enc.sorbonne.fr/CURATA1
1. CURATA, Species telonii. Vide Curatura.
© École des chartes.
[]« 2 curata » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 662c. http://ducange.enc.sorbonne.fr/CURATA2
2. CURATA, Idem, ni fallor, quod Procuratio, seu Hospitium et convivium ab Ecclesiis debita Episcopis et Archidiaconis, cum ab eis visitabantur. Charta fundationis Prioratus S. Fromondi ex Archivo Monasterii Carisiac. :
Concedente etiam Hugone Constantiensi Episcopo prædictam Ecclesiam esse quietam et liberam ab omni synodo et Curata et consuetudine.
Vide Procurationes Episcoporum.
© École des chartes.
[]« 3 curata » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 662c. http://ducange.enc.sorbonne.fr/CURATA3
3. CURATA, Fossa, quæ purgari solet sæpius, unde egeruntur sordes, quas Galli dicimus Curures, Purgamenta. Charta Calomontis :
Juxta domum et pedam liberorum Petri Boneti, quadam Curata intermedia, juxta muros villæ et carreriam publicam.
Computum anni 1324. Hist. Dalphin. tom. 1. pag. 132. col. 1 :
Pro garita facienda..... Pro Curatis dictæ garitæ faciendis centum solid.
Hic Curatæ sunt effosa garitæ fundamenta. Vide Curare 2.
P. Carpentier, 1766.
◊ Cureure et nettoyeure, in Stat. ann. 1348. tom. 3. Ordinat. reg. Franc. pag. 97. art. 3. Pro ipsis purgamentis, in Instr. ann. 1358. inter Probat. tom. 2. Hist. Nem. pag. 213. col. 2 :
Item de fossatis curandis, et Curata portanda super mota, vel alibi, ubi expediens fuerit, etc. Curet,
Instrumentum quo aratrum purgatur, in Lit. remiss. ann. 1431. ex Reg. 175. Chartoph. reg. ch. 38 :
Ainsi que le suppliant ot lié ses beufs à la charrue, apperceut qu'il avoit oublié son Curet, dont il curoit sa terre et sa charrue. Cureur,
eodem intellectu, in aliis ann. 1378. ex Reg. 112. ch. 315 :
Le signifiant trouva sa charrue ou il print un baston que l'en appelle Cureur. Curotte,
in aliis ann. 1420. Curete et Curecte, in aliis ann. 1451. et 1457. Cureboisson, Ligonis species, in Lit. ann. 1452. ex Reg. 181. ch. 142 :
Les supplians prindrent ung ferrement, appellé Cureboisson, et autres choses necessaires à faire la closture desdites terres et prez.
© École des chartes.
[]« Curatura » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 663c. http://ducange.enc.sorbonne.fr/CURATURA
CURATURA, vel Curata, Telonei species ex mercibus in nundinis distractis. Charta Berengarii Imper. ann. 916. apud Ughellum tom. 4. pag. 794. in Episcopis Cremonensibus :
Placita custodire, mansionatica facere, portatica tollere ac telonea, ac Curatam publiciter erigere quærebat.
Infra :
Aut Curatam aut portaticum ibi tollat nemo, etc.
Ita pag. 817. At
Curatura, scribitur in Charta Henrici Imp. ibidem pag. 808. Alia Ardoini Regis Italiæ ann. 1011. apud Guichenonum in Biblioth. Sebusiana pag. 249 :
Omnem districtum, mercata, teloneum, Curaturam, etc.
Alia Anselmi Archiepiscopi Mediolan. anno 1100. apud eumdem Ughellum, et Puricellum pag. 482 :
Stabilitur quoque et communi institutione a nobis laudatur, quatenus ibi sit mercatum annuale omnium rerum fluens et venale, ex quo nullus præsumat Curaturas quærere, etc. Turadia,
perperam pro Curadia, editum apud eumdem Puricellum pag. 519 :
Coloneum (l. teloneum) quod vulgo Turadia dicitur, sive Portenaticum.
P. Carpentier, 1766.
◊ Charta Conradi imper. I. ann. 1031. apud Murator. tom. 1. Antiq. Ital. med. ævi col. 417 :
Cum persolutione omnium navium, et cum Curatura omnium negotiorum, qui fiunt in prædicta ripa, tam ab incolis civitatis, quam ab aliis aliunde [] ad negotium venientibus, etc.
Vide supra Curaria.
Currita, perperam, ni fallor, exaratum legitur in Charta Lotharii III. Imper. anno 1133. apud eumdem Ughellum et Cælestinum in Episcopis Bergomensib. :
Theloneum videlicet, quod Currita vulgariter dicitur, de omni mercato, quod infra civitatem fit, etc.
Ut et
Curritura, in Charta Friderici I. Imper. anno 1156. apud eumdem Ughell. ibidem :
Cum usibus, conditionibus, fodro, districto, atque teloneo, quod vulgo Curritura dicitur ubicumque mercatum fuerit, etc.
At unde dictum ejusmodi teloneum, non plane assequor, nisi debitum illud fuerit civitatum Curatoribus, tametsi extremis sæculis ejusmodi dignitatis vix mentio occurrat ; vel potius, quod tributa in Curatorias, de quibus supra in voce Curator 1. inferrentur.
© École des chartes.