« »
 
DEPOSITIO 1, DEPOSITIO 2, DEPOSITIO 3, DEPOSITIO 4.
[]« 1 depositio » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 070a. http://ducange.enc.sorbonne.fr/DEPOSITIO1
1. DEPOSITIO, Pœna Ecclesiastica, qua rei Clerici e suo gradu ejiciuntur, mitior degradatione. Vita Ludovici Pii ann. 818 :
Episcopos porro hac constrictos[] immanitate ab Episcopis reliquis Depositos, Monasteriis mancipavit.
Regiam Majest. lib. 2. cap. 13. § 14. de servo Clerico :
Et si judicio reddi debeat, Deponendus est, vel degradandus, antequam reddatur.
Vide Gualterum in Tabulis Siculis pag. 40. 41. etc. et supra Degradatio post Degradare.
© École des chartes.
[]« 2 depositio » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 070b. http://ducange.enc.sorbonne.fr/DEPOSITIO2
2. DEPOSITIO, Dies obitus, quo mortuus terræ mandatur, in terram deponitur, vel quo quis vitam deponit : cujus appellationis causam fuse explicat S. Ambrosius Serm. 70. Vetus Inscript. Eboræ apud Resendium :
Depositio Pauli, famulus Dei vixit annos l. et uno, requievit in pace d. iii. Id. Martias era dlxxxii.
Hariulfus lib. 4. Chron. Centul. cap. 21 :
Angelrannus, qui patri succedebat, in die Depositionis ejusdem patris sui jam dictam villam Sancto contradidit.
In Charta donationis, quæ sequitur :
Quod pater meus, Comes scilicet Hugo, adhuc vivens, sed diem mortis extremum trahens, pro suo remedio animæ villam... S. Richario tradidit.
Passim in Martyrologio, quod D. Hieronymi titulo circumfertur, et aliis. Hinc
Depositio, pro die obitus anniversario. Joannes Episcopus Abrincensis de Offic. Eccl. :
Sunt quædam Ecclesiæ, in quibus exceptis Depositionibus solum per Kalendas mensium Missæ festive celebrantur Mortuorum.
Occurrit mox rursum.
◊ Proprie autem usurpatur hæc vox de festo sancti Joannis Evangelistæ, quod vulgo appellatur
Depositio, quia locum sepulturæ vivus intravit, et ita seipsum deposuit
. Ita Durandus lib. 7. cap. 1. n. 19.
Depositus, Mortuus, vel certe humo mandatus. Inscriptio Romæ :
Hic jacet... Deposita iii Kalend. Decemb.
Alia Mediolani :
C. Celio bene merenti, qui vixit annos p. m. xxxv. et Depositus est xiv. Kal. Novembres, etc.
Passim in Monumentis Christianis apud Gruterum pag. 832. 3. 1051. 1. 2. 9. 1052. 9. 10. 1054. 1. Sirmondum in Epitaph. Ennodii, et aliorum, in Notis ad Epist. ejusdem Ennodii lib. 6. Epist. 6. ad Epigr. 8. 79. etc. apud Laurent. Schraderum in Monument. Ital. pag. 91. 6. Ughellum tom. 4. pag. 596. tom. 5. pag. 287. 284. etc. Gualterum in Tabulis Siculis pag. 40. 41. etc.
© École des chartes.
[]« 3 depositio » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 070b. http://ducange.enc.sorbonne.fr/DEPOSITIO3
3. DEPOSITIO, an pro Translatione alicujus sancti interdum accipiatur, disquirunt docti Hagiographi tom. 5. Jun. Act. SS. pag. 409. quos consule.
© École des chartes.
[]« 4 depositio » (par L. Henschel, 1840–1850), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 070b. http://ducange.enc.sorbonne.fr/DEPOSITIO4
4. DEPOSITIO, Emporium, ubi jure privilegii vectores per aliquot dies merces deponere et venales habere cogebantur. Vide Stapula 1. Privileg. Civit. Stettin. ann. 1283. ap. Haltaus. Glossar. German. col. 1417. voce Niederlage :
Omnia bona qualiacumque fuerint, quæ de partibus superioribus Oderam descendendo, vel de partibus inferioribus Oderam ascendendo ad ipsam nostram civitatem Stettin ducuntur, ipsa in civitate debent deponi et servare ibidem Depositionem.
Plura apud Haltausium l. l.
© École des chartes.